愛回家之三代同糖｜廖家爵慘遭何依婷連環奴役 胡敏芝3招復仇計獲封高IQ滿分女友

漢娜先是攔截金剛的工作，故意整爛朱圓圓價值萬八蚊的貴價衣服，並切換「可憐Mode」：「我分期賠俾你……最多由今日起餐餐食麵包，每個月還五百，三年應該還得晒！」以退為進拆解攻勢。

跟著，她又假意煲綠豆沙賠罪，卻暗中把百潔布放在煲內，待圓圓發現時再裝傻：「唔怪得之頭先搵極都搵唔到，原來跌咗落去同啲綠豆沙一齊煲……唔駛驚，塊百潔布新買㗎，乾淨嘅！」嚇得圓圓當場衝入廁所狂嘔，手段既機智又惡搞！

最精彩莫過於最後一招！漢娜假意幫手捉蚊，借勢陷害圓圓打自己，更算准時間讓唐萬里目擊過程。面對圓圓的怒火，漢娜秒變「綠茶」嬌嗔哭訴：「係我唔小心整爛咗佢件萬八蚊嘅衫，唔小心激嫐咗佢……你哋唔好為我嘈交啦，Emma姐冇叫我賠已經好好。」連圓圓也被其演技折服：「嘩你個表情綠茶嚟喎！」，萬里無奈之下只好請求圓圓搬走。圓圓唯有妥協承諾不再折磨金剛：「我叫金剛以後唔駛再幫我做嘢，咁得未？」豈料漢娜即時拎出手機秒變臉反擊：「你話㗎，我錄晒音，人證物證，你唔好抵賴！」環環相扣的連環計謀直接封死對方退路。

大批劇迷狂讚胡敏芝這個角色聰明又好肯幫男友，封她為「高IQ滿分女友」：「漢娜呢幾招掂呀」、「以退為進好聰明」、「有呢種維護男友嘅女友真係好！」