/public/tvbcom/article/images/202410/02f6bd34-72ac-4eb7-9ee0-169315c19b17.jpg)
金牌編審張華標重返TVB操刀、並夥拍昔日《巾幗》系列好拍檔方駿釗（嘟嘟）監製的台慶劇《巾幗梟雄之懸崖》（下文簡稱《巾幗4》），將一連五星期、逢周一至周五晚八點半翡翠台播映。
延伸閱讀： 巾幗梟雄之懸崖線上看劇情劇透｜全25集懶人包（持續更新）黎耀祥/胡定欣/蕭正楠/羅天宇 共譜亂世情緣
周五晚（25日）播出的第五集，焦點劇情是七爺（胡定欣飾）被綁後遭神秘老人（蕭正楠飾）一再挑機及折磨，以及七爺母親鄧老太（呂珊飾）如何懇求柴十七（黎耀祥飾）幫忙拯救愛女。已有三至四年甚少參與劇集演出的呂珊，甫出場即憑高貴及慈祥氣質成功突圍；短短一集中，呂珊展現了不同層次的情緒；對著柴十七，鄧老太不是苦苦哀求就是六神無主；對著乘機興風作浪的大仔新爺（海俊傑飾），鄧老太則偏向愁眉深鎖兼激心；當以為接到七爺求救電話時，呂珊亦演活了著急慈母的悲痛心情。
+12
破天荒演真正粵劇 呂珊連續數月日以繼夜苦練
相隔數年後再現公仔箱的呂珊，望落明顯清減不少，談到有不少網民對於她身體消瘦表現關注時，對此呂珊坦言其實是為了角色造型，才衝刺式激減八磅：「監製話要瘦少少，我就試吓keep，唔keep弗之前個造型真係唔係咁理想，後尾減咗八磅，出嚟效果就好咗，其實最難係瘦面，但當我知道大家都覺得我好瘦時，都係一個好大嘅鼓舞嚟。」珊姐談到鄧老太角色獲讚有貴氣，她透過劇組試造型過程相當嚴謹，需時長達八小時：「真係坐喺度七、八個鐘試咗好多髮型同化妝，啲貴氣係時間做出嚟嘅。」並續指劇集拍攝氣氛愉快專業，很多場口都是一take過完成：「因為大家都好專注演出，全部一take過架，所以士氣真係好好，好開心。」呂珊又興奮表示近日嘗試了很多不同類型的工作，其中一樣是首度演出粵劇：「我跟米雪姐去咗新加坡破天荒地演出真正嘅粵劇，真係學咗好多嘢、眼界大開，都花咗好幾個月時間日以繼夜咁練習粵劇。」
