/public/tvbcom/article/images/202410/e22f0eac-3141-4a58-9f04-d9deb6ca37bd.jpg)
金牌編審張華標重返TVB操刀、並夥拍昔日《巾幗》系列好拍檔方駿釗（嘟嘟）監製的台慶劇《巾幗梟雄之懸崖》（下文簡稱《巾幗4》）昨晚（21日）首播，並將一連五星期、逢周一至周五晚八點半翡翠台播映。
延伸閱讀： 巾幗梟雄之懸崖線上看劇情劇透｜全25集懶人包（持續更新）黎耀祥/胡定欣/蕭正楠/羅天宇 共譜亂世情緣
七爺+柴十七出場戲味霸氣兼備
昨晚首播的《巾幗4》，短短一集已高潮迭起，以舊上海為故事背景的《巾幗4》，女主角七爺鄧桂嬋（胡定欣飾）一開始便遇上危機，要找來擁三寸不爛之舌的柴十七（黎耀祥飾）打救；而巾幗與梟雄惺惺相惜的場口，更有著金牌編審張華標的強烈特色，就是連串密集式的精警對白，及男、女主間的唇槍舌劍，配以劇組用心打造的360旋轉式拍攝，凸顯了場口的「霸氣」。祥哥受訪時笑言一輪嘴場口，是《巾幗》系列好拍檔張華標為其度身訂造：「標哥好知我強項，好多時會喺適當時候就番我嘅長處，加番啲好睇位畀我，例如一個人一口氣講四頁紙、一輪嘴去鬧人咁。」
古巨基唱主題曲 網民高呼回憶返晒嚟
昨晚七爺及柴十七的出場均戲味+氣場甚濃，前者以大Red唇、睿智笑容加強勢戒指帶出霸氣，後者則以入木三分的翹著二郎腿腳䟴䟴＋嘴藐藐囂張狀態現身，配以張華標式的抵死對白，難怪贏得網民不少好評：「製作認真，港劇而言大成本，劇情緊湊，好睇」、「啲對白真係難背，點記？」、「咁快就一集完，證明好好睇」。網民對於古巨基繼《巾幗2》後再唱主題曲大感驚喜，並笑言《巾幗》回憶返晒嚟：「其實我都估唔到仲會搵返古巨基依啲有返咁上下份量嘅歌手嚟唱」、「一聽到佢把聲，《巾幗》嘅回憶返晒嚟。」
監製透露《巾幗4》與七字有緣
《巾幗》首集男主角柴九深入民心，祥哥今次第四季飾演柴十七，令不少網民揣測兩個角色是否有親，留言：「十七會唔會係柴九嘅曾曾曾孫」，相當搞笑。昨晚祥哥帶領定欣、陳曉華、羅天宇及蕭正楠為劇集首播作直播宣傳時，爽性公開「柴十七」命名之謎，並謂出處是《易經》：「點解姓柴係一個情意結嚟，十七呢個名係標哥取自《易經》八十一理數入面嘅。《易經》十七卦叫隨卦，隨遇而安咁解，十七為吉（卦），意思係排除萬難、有貴人助、把握時機、可得成功，完全係符合咗柴十七嘅人物性格，大家要明白編劇嘅苦心，佢連角色名都唔係求其嘅。」祥哥又指《巾幗》系列每季角色都截然不同，故希望觀眾能當四季是全新的故事看待：「巾幗同梟雄只係一個概念，冇框框，大家冇需要比較，我哋都冇壓力嘅。」監製嘟嘟則透露《巾幗4》與七字相當有緣：「我哋十月七日開工，十二月十七日收工，加上角色名都有個七字。」
