巨塔之后｜黃庭鋒醫生Look獲讚靚仔親爆宣萱做一事打開隔膜曾入醫學院讀醫9個月文武雙全

撰文：柔娛絲

發佈日期：2025-10-13 13:35 更新日期：2025-12-12 08:43

《巨塔之后》現正熱播中，今晚（13日）一集明塱新來的醫生張志明（黃庭鋒飾）首登場！

他甫登場即為病人做了心包穿刺，其精明能幹獲得董一妍（宣萱飾）賞識，更委任他為肺肝同步移植手術的換肝主刀醫生，最終他不負所望，成功完成。

黃庭鋒的靚仔醫生Look獲不少網友大讚，更指其有醫術有顏值，真係不得了。

現實中黃庭鋒同樣為學霸，13歲到英國留學，期間他到過日本讀書，再回到香港中文大學讀學士及碩士。

他曾受訪透露自己在中大讀體育系文學碩士前，其實是被中大醫學院的公共衛生學系錄取，終做了9個月醫科生，惟最終覺得自己不適合，決定放棄讀醫，然後轉到體育學科。

另外，黃庭鋒精於日語，亦操得一口流利英語、普通話。他亦於英國寄宿學校唸高中期間，曾是學校足球隊唯一亞洲球員，並主力踢前鋒。黃庭鋒曾參與不少學界和區際足球賽，並在阿根廷、智利校際賽中獲得「最有價值球員獎」，絕對是文武雙全。

黃庭鋒接受tvb.com訪問談到今次首與宣萱合作，作為後輩的他直認初時緊張不了，「因為未合作過，我記得第一次同佢對戲成個人好崩緊，但宣萱好快令到我有種覺得似朋友嘅感覺，令我變得放鬆。」

他續說：「大家喺鏡頭背後會傾好多偈，佢亦會分享好多嘢畀我聽，加上佢又係喺外國讀書，所以感覺好似係好耐冇見外國返嚟嘅朋友，令我好有親切感。」

黃庭鋒直言深信宣萱明白後輩對着她會緊張，故她望與大家的氛圍輕鬆一點，「因為個個都覺得佢係前輩個個對住佢會好緊，嗰場戲就會唔夠鬆，但做戲一定要輕鬆咁做效果先會好。」

至於今次同樣是其首演醫生一角，他坦言：「我一直都好期待做醫生角色，因為之前我睇《On Call 36小時》同《星空下的仁醫》，已經好想做醫生，加上我鍾意睇醫療劇，所以今次都可以話圓夢。」

主頁