巨塔之后｜陳煒連環索爆「戰衣」引關注親揭試造型試足兩日：啲衫真係幾難着

點讚

撰文：柔娛絲

發佈日期：2025-10-08 13:30 更新日期：2025-12-12 09:17

《巨塔之后》現正熱播中，日前路沙馬集團主席方欣（陳煒飾）霸氣登場，與董一妍（宣萱飾）火花四濺的場口吸引大批觀眾讚好不絕。

劇中陳煒的服裝亦是一大亮點，首登場一集已換了3個造型，昨晚（7日）一集有眼利網友發現她換了6個造型，每個Look都貼合其劇中角色形象，難怪網友留言「好似睇緊煒哥嘅fashion show」、「個個造型高貴又神秘」、「煒哥好靚呀」。

陳煒接受tvb.com訪問親揭試造型試足兩日，「因為套劇入面真係有太多衫，我兩日不停咁試衫，又要配襯唔同飾物，真係好攰，不過最緊要拍出嚟靚效果好。」

她直認劇中服裝難着，「因為啲衫唔係露腰就露胸，全部都好貼身，所以拍嗰3個月食嘢都冇啖好食，要keep住個身形。（邊套自己最鍾意？）套套都好靚，但最有signature一定係藍色藍月亮嗰件。」

陳煒又大讚每一個角色的服裝也十分漂亮，「有內地造型師幫手，睇番每個人性格特質，打造個造型，而造型係好幫助到個角色。」

主頁