巨塔之后｜陳楨怡潑酒罵爆鍾鎮濤 親揭對方一句說話超暖心 ：睇劇本時已好擔心

王啓心一到場即大呼「王進濤，你係全世界最X街的男人」、「我王啓心喺度宣布要同你呢個X街斷絕父女關係」，令全場嘩然！

最後王啓心更拿起酒杯潑向父親王進濤，繼而「掟爛」玻璃杯，再說「你一定會有報應。」簡直怒氣沖天！ 不少觀眾都指想不到首集劇情已經十分緊張，紛紛留言「第一集兩父女已經嘈成咁」、「呢個細女好夠膽喎」。

談到這場大罵場口，陳楨怡接受tvb.com訪問直認看劇本時已十分擔心，「因為呢場係第一場戲，又咩都未交代我就要咁做，同埋B哥哥（鍾鎮濤）係前輩，呢場一嚟就要潑佢同鬧佢，我個心都好亂同擔心。」

她續說：「 因為個場地都好大，我要好大聲，情緒又要爆發到嗰個位，所以我都比較亂同擔心，唔想NG好多次。」

陳楨怡自言感謝導演、宣萱和鍾鎮濤的鼓勵，叫其不用想太多，當中鍾鎮濤更對她說：「你盡情潑」，加上其慈祥笑容，令陳楨怡放心不少，「因為B哥哥畀咗好大鼓勵我，所以我先放膽拍，最終呢場戲好順利完成。」

她又指最後「掟爛」玻璃杯的動作是其提議，「當時我同導演夾，提議不如掟個杯落地， 好似令個效果更加爆，而我排嘅時候係冇掟個玻璃杯落地，直到roll機嘅時候先掟， 其實嗰一下自己都嚇親，因為都幾大聲， 但我個樣依然要保持好嬲，諗番起幾搞笑。」