巨塔之后｜張頴康忍痛嗌離婚與蔣家旻淚崩戲演技極細膩

點讚

撰文：柔娛絲

發佈日期：2025-10-27 13:30 更新日期：2025-12-11 07:33

《巨塔之后》進入結局周，劇情講到文以珈（劉佩玥飾）帶領調查小組，調查收受承建商利益一事，最終ICAC拘捕彭建邦（張頴康飾）原來他正是收受利益之人。當中建邦自覺沒機會翻身，他不想連累啟澄（蔣家旻飾）提出離婚一幕，令不少觀眾睇到淚崩！

啟澄回家時發現門鎖密碼被改，建邦對她說：「老婆你走啦，唔好理我啦，我今次甩唔到身，我一定會坐監，咩前途都冇晒，我唔想拖累你呀老婆。」啟澄說：「我哋講好咗，有咩事兩公婆一齊面對。」

豈料建邦開門對啟澄說：「老婆我諗得好清楚，我哋離婚，對唔住老婆」關門後他即眼睛通紅淚水湧現。啟澄痛心落淚：「彭建邦你知唔知你講緊咩？我當初嫁得畀你，就唔會輕易離婚。離婚兩個字可以咁隨便講嘅咩？」

她邊哭邊說：「你係咪要丟低我一個人，你係咪以後都唔再理我。」句句令人聽得心痛；建邦坐下抽搐式痛哭流涕，完全將不捨愛妻之情演得淋漓盡致。

這短短近3分鐘場口獲觀眾力讚二人絲絲入扣的演繹令人動容，他們的感情發揮到極致，大晒喊功，難怪網民紛紛留言指這幕催淚指數爆燈，「兩公婆演技好好」、「佢哋都係好戲之人」、「睇到我喊唔停」、「呢幕會唔會太感動呀！」

主頁