巨塔之后｜劉佩玥繼女樂珈嘉大起底！直認與Moon嘈交戲無難度 親揭二人真上契：我最鍾意嗲佢

當以珈說因王啟聰（蕭正楠飾）離世，更要好好照顧她，王海淳即說：「其實你無責任，你唔使」以珈再說：「你仲未成年，唔到你話使唔使，法例上我就係你監護人」，王海淳表示「實制上你就係想做我媽咪，sorry唔得囉！」完任展現其叛逆一面，兩母女關係十分僵。

另一場，王海淳想到韓國讀化妝，惟以珈望對方先在英國修讀大學學位，但海淳企硬不肯讓步，更對以珈說「唔該你唔好煩住我」，兩母女再次發生爭執。

不少網民都指海淳認真唔聽話，又指「繼母唔易做」。

雖然戲內樂珈嘉不時要串爆「繼母」劉佩玥，戲外二人感情要好，樂珈嘉接受tvb.com訪問表示因與劉佩玥熟絡，因此劇中要串爆對方亦沒有難度，反而覺得很好玩，「不過我私下唔會串佢，我最鍾意嗲佢，阿Moon好錫我， 平時開工都會買嘢食畀我，我又會成日去佢間房一齊食嘢傾角色同傾心事，當我覺得自己做得唔好嘅時候 ，佢都會同我檢討。」

她自爆二人相當投契，更真上契，「阿Moon嗰排成日話想生個好似我咁叻嘅女，之後我就話咁不如你契我做契女，就係咁樣契咗，所以我依家都會叫佢做媽咪。」

樂珈嘉原名梁詠宇，入讀2023年第32期無綫電視藝員訓練班入行，當年畢業短短1年已成為劇集監製新寵兒，除《反黑英雄》外，還同時參演了《巨塔之后》、《武林》及《死有對証》。

在《反黑英雄》中她演鄧智堅女兒表現不俗而引關注，就連鄧智堅也曾大讚對方做得好。