:quality(80)/public/tvbcom/article/images/202510/9bd2fc63-4853-4849-ae50-02d4ba3a51ed.png)
《巨塔之后》昨晚焦點劇情，絕對是劉佩玥（阿Moon）在韓國找到珈嘉後，在酒吧外擊退兩名急色流氓一幕！於關鍵時刻現身的阿Moon，為保護女兒由沉穩律師進化成「暴打媽打」，先後以手袋及街邊隨手拿來的長鐵通、瘋狂揮舞兼狂哮擊退流氓，之後阿Moon更孭著女兒離開，完全展現「為母則強」一面，網民大讚「很有柯德莉和姜姐的影子」（柯德莉為Moon在《城寨英雄》的角色名稱、姜姐為Moon在《奪命提示》的暱稱）。
延伸閱讀：巨塔之后｜陳楨怡化身眼鏡娘有驚喜 劇中霸氣現實好文青 網友激讚：太美了！
+15
阿Moon接受官方訪問時，分享拍攝此場戲的事前做足準備功夫：「事前拉筋同熱身少不了，亦都要好好了解現場嘅狀況，因為呢一場設計上專登整濕咗個地，當時地面係好滑好跣，所以着住對高踭鞋跑嘅時候都需要小心啲。」至於揮舞鐵通，阿Moon表示為令效果更逼真，嘗試過不同動作和力度：「因為本身支鐵通係道具，所以會比較輕，如果用蠻力去揮動支棒，會好容易整傷自己。」談到孭起阿女珈嘉場口，阿Moon坦言有難度：「因為本身佢坐咗喺地上面、個人又有一定重量，所以我踎低去孭起佢時係會吃力少少。我哋要用唔同角度去拍，所以都孭咗好多次，但係導演好好，就算要拍唔同嘅角度，都盡量比一個最佳嘅方法我，等我個姿勢好啲容易發力。」談到與珈嘉上契一事，阿Moon大讚「阿女」可愛：「佢好聰明又好嗲我，好可愛架！工作嘅時候有咩唔識都會問，我哋喺佛山拍攝嘅幾個月成日都見，成日都傾偈，所以大家嘅關係由初初認識變得深厚，好感恩！」
