巨塔之后鍾鎮濤專訪｜自揭為突顯主席霸氣 堅持一take過演繹5頁紙劇本！

鍾鎮濤提到首要是保持心境開朗：「開心最重要！好似今次咁拍到一套好劇，遇到一班好演員，拍得又靚，觀眾又鍾意，人生中有多啲呢啲令我開心嘅事情發生，自然就係『保養』嘅最佳良坊。」

除了保持心境開朗外，鍾鎮濤亦分享另一秘訣，就是要保持工作：「Keep住工作，工作係會刺激你嘅腎上線，令到個人會更加精神，所以無論幾多歲都好，都要工作，唔好咁早退休。」據了解，鍾鎮濤每個月會為自己安排10天至15天不等的工作量，不讓自己太累的同時，又能持續地工作。

談到工作，今次鍾鎮濤在劇中有大量演講對白，以突顯作為集團主席的地位，例如第一集鍾鎮濤出現的第一場戲，需要以主席身份演講，演講對白足足佔四、五頁，而且當中更有各式各樣的醫療用字，例如：「胎兒心臟宮內介入治療」、「右心室」、「肺動脈瓣」等專業字眼。

據鍾鎮濤分享，為演繹主席演講的霸氣，事先抽幾日時間熟習對白，盡顯專業精神：「嗰度我係做咗好幾日功課，雖然觀眾而家睇到好似係分開拍。但其實當日拍攝我係一take要完成整段演講，呢個鏡頭亦係我演呢部劇最擔心嘅一段。結果我真係一take完成拍攝，下面啲觀眾都全場拍掌，我心入面都有為自己鼓掌。」