富貴千團｜姚宏遠憑「重情重義擦鞋仔」成功入屋 私下動靜皆宜精通五樣運動仲要係健身教練

Lucas接受TVB.COM訪問時，坦言當初得悉自己在劇中戲份如此重時，絕對是受寵若驚：「算係自己入行咁多年以嚟最多戲份嘅一個角色，當時覺得受寵若驚，開心但同時都好緊張，因為難得有個咁好嘅機會，好想做好佢但又怕自己會把握得唔好。不過冷靜落嚟之後，我同自己講：『始終做演員好被動，呢啲機會未必有下一次，我就當呢次係唯一一次，搏盡無悔。』」談到劇集出街後好評如潮，Lucas坦言感恩，並搞笑謂：「見好多網民都cap自己啲肌肉照同埋成日留言問hook幾時再除衫，其實有啲尷尬，不過都幾搞笑。」

中學時已是足球隊及乒乓球隊隊長的Lucas，私下絕對是好動份子，閒時除了會行山及玩滑水外，更有玩過泰拳，所以劇中的打拳場口絕對可算是為他度身訂造。Lucas又謂由於自己都有做開健身教練，與劇中角色Hook有不少相似地方，故演繹上也更容易入戲。值得留意的是，外表陽光有活力的Lucas，真實性格帶點害羞又文質彬彬，除了試過彈住結他在IG唱吓情歌外，還有讀書及計劃上演技堂增值自己：「我近年開始鍾意咗睇書，因為眼見好多好演員都有呢個習慣，同埋我覺得自己入面唔夠豐富，想睇多啲嘢，嘗試讓自己成為一個更全面嘅演員。另外見到出面好多大師都有開演技班，之後如果時間允許嘅話，都想去進修一下，自己心目中最想係上到謝君豪嘅演技班，因為本身都好鍾意睇佢嘅作品。」