家族榮耀之繼承者｜洪永城不滿羅子溢連咀老婆梁諾妍 PO與男星激吻片教對方三招假吻法

洪永城（Tony）老婆梁諾妍（Inez）在近日熱播的《家族榮耀之繼承者》中飾演大馬拿督千金，與羅子溢上演連場咀戲、床戲，令Tony十分「不滿」。繼早前在小紅書上傳「直擊老婆親熱戲」旁述片段后，前日（10日），Tony又發布影片，分享演員拍吻戲的三招假吻方法，並點名要求羅子溢學習。

延伸閱讀：家族榮耀之繼承者｜洪永城直擊老婆梁諾妍與羅子溢親熱戲 洪太一句對白篤中死穴狂呷醋笑爆網民

從片中可見，當Tony看到老婆同子溢演咀嘴戲時，他呷醋地說：「又錫、再錫，有冇搞錯呀！使唔使次次都真錫呀！羅子溢，我教你3種方法可以拍到好似係真錫咁。」Tony更找來蔡景行做對手表演，兩人投入、誇張的表現，令網民在評論區瘋狂爆笑留言：「影片好笑程度100%，影片是洪永城發的好笑程度10000%」、「竟然有人拍影片教人吻戲，不過如果真是按這些動靜，Inez一定冧爆」。

方法一：忍笑，用後腦擋鏡頭

Tony強調此方法必須要忍笑：「先用後腦對着鏡頭，慢慢走近你嘅對手，跟住同佢眼神示意。」

方法二：瞞天過海

洪永城稱一定要鏡頭運用得很好，才可以掩人耳目：「首先同對手眼神交流，然後準備咀喇！不過千祈唔好嘟嘴，要用嘴唇對住佢頸，喺頸度徘徊，上面嘅演員自己演，咁就得㗎喇！下面嘅演員做啲咩，玩吓手機或者搣吓佢都得。」

方法三：移影換影

Tony指移影換影是用意識形態去包裝的情慾戲:「要錫嘅時候，唔好理咁多，冚被先，其實喺被入面做咩？划拳啫……」