家族榮耀之繼承者｜梁靖琪羅嘉良父女對戲各有各搶 「有口難言」虐心演技一洗「零演技靠父幹」污名

《家族榮耀之繼承者》第十六集，焦點場口共有兩場，分別是梁靖琪與羅嘉良的池邊父女感人互動場口，以及Benz雄再度出冧招冧爆陳靜Dada場口。

延伸閱讀： 家族榮耀之繼承者劇情｜全30集劇透懶人包（持續更新中）豪門上演大惡鬥 佘詩曼/林峯/羅子溢/羅嘉良

Nana（梁靖琪Toby飾）當得悉自己不是守義（羅嘉良飾）親生女兒後，在大宅泳池邊借酒澆愁，守義見狀甚是心痛；以為Nana只是為當年被細媽家碧（張鳳妮飾）調包事件而不開心的守義，收起平時的「嚴父」Look，以極溫柔的慈父Tone安撫Nana：「講真，其實你係邊個（大媽 （余安安飾）VS細馬）生又有咩所謂呢？」雖然守義的說話甚是真誠，但聽在知道真相的Nana耳裏卻甚是諷刺，暗藏秘密兼有口難言的Nana含著滿眶淚水哽咽問守義：「Daddy，真係冇所謂咩？」守義說畢：「最緊要你始終係我乖女，永遠唔會改變架，咁咪得咯！」再為自己平時對Nana過於嚴苛真誠致謙，並謂其實自己最終目的只是不想愛女行差踏錯及活得開心，並者愛女要愛惜身體；聽到守義對自己如此包容及關愛，知悉自己與丘家根本零血緣關係的Nana更是痛心及無奈，她先是抱著守義失聲痛哭，待守義離開後更是忍不住悲憤向天嚎哭，層次式遞進的喊功盡顯好演技。

網民：努力係會有人見到
對於Toby與「視帝」級人馬羅嘉良這場各有各搶的「父女」對戲，不少網民表示大為感動；劇集播出後，Toby亦有在個人社交平台留言感謝嘉良這位「爸爸」說：「多謝撈家（指羅嘉良），你呢個Daddy無論眼神表情定對白，完全令我秒速入戲，好鍾意好鍾意呢場戲，由拍攝到而家，再三睇（番）個心都好痛。記得呢場戲拍足三個鐘，我喊足三個鐘，真係喊到對眼腫曬，但一切都係值得嘅！」有網民在Toby帖文下留言力撐：「呢場真係好心痛～唔使理D人話靠父幹，努力係會有人見到。」其實Toby是次在劇中飾演性格驕縱的丘家千金，由起初自我任性、到上周發現自己驚天身世秘密後陷入迷失、瘋癲，Toby完美演繹角色落差，難怪劇集播出吸獲不少好評，更有網民為一直低估她的演技真誠致歉。

而昨晚一集，受身世真相大受打擊的Toby，一臉頹容坐泳池邊借酒消愁，爸爸羅嘉良見狀上前關心，父女對話為之感動，Toby更攬着羅嘉良哭成淚人，盡顯二人的父女之情，而這幕戲，雖然只有短短數分鐘，但卻非常虐心，Toby亦成功演繹對身世「有口難言」的無奈及痛苦，使觀眾對她角色由恨生憐，一致好評。