家族榮耀之繼承者｜許紹雄愛妻獨白冧爆網民獲封「全劇最Man」 罕拍談情戲自嘲：成日都做人老竇舅父

《家族榮耀之繼承者》第十六集，焦點場口共有兩場，分別是梁靖琪與羅嘉良的池邊父女感人互動場口，以及Benz雄再度出冧招冧爆陳靜Dada場口。

延伸閱讀： 家族榮耀之繼承者劇情｜全30集劇透懶人包（持續更新中）豪門上演大惡鬥 佘詩曼/林峯/羅子溢/羅嘉良

曾任Part time GF的Niki（陳靜Dada飾）遭舅母以其黑歷史要脅勒索五百萬，正當Niki決定與舅母討價還價之際，駭然發現老公守仁（許紹雄飾）已暗中拿出五百萬買走黑歷史。

頓感顏面無存的Niki遂執行李打算離開丘家，此時守仁出動大絕以真誠告白成功冧到老婆「化悲為喜」，守仁先是自貶：「我承認我從來唔係一個稱職嘅丈夫，想當年，我要求皓兒嘅媽咪同我生個仔去繼承家業都係藉口，其實我係想出去拈花惹草，後來畀佢發現咗，佢向我提出離婚。最慘就係皓兒，自細就冇咗媽咪去照顧，呢啲都係我咎由自取的。」全程不但未有怪責老婆半句，更自貶自己不及老婆：「你唔同，你自細就父母雙亡、無依無靠，就算你行差踏錯，都係環境逼成。我以前做咗咁多唔好嘅嘢你都可以接受，我點解唔可以接受你啫？！」大氣程度已令人相當欽佩。

之後Niki追問守仁難度不怕家人壓力時，守仁再展現瀟灑、通情達理兼Man爆一面：「呢啲係我哋兩個人之間嘅事，其他人點睇我真係一啲都唔介意，只要我哋夫妻同心，我相信我哋一定能行到最後。」受到連番「甜言」攻擊的Niki，最終破涕為笑並笑指守仁口甜舌滑，此時守仁再乘勢「落重藥」再來一句：「我把口用嚟錫你架嘛」，令Niki冧爆無極限。

守仁的「最佳老公」示範獲網民連環正評，有網民直指守仁「全劇最Man」，盛讚他家財萬貫、數百萬說花就花眼都不眨一下之餘，還大讚他有情有義：「買下老婆黑材料之後講的那段話，太通人性啦。」笑言自己「一早老定咗」的許紹雄，其實近年已甚少拍攝談情戲，連他自己亦笑言：「成日都做人老竇、做人舅父、做人大佬，哈哈，都未試過做人老公同情人好耐，都開心嘅。」