守誠者｜滕麗名師奶Look做緊張母親演得出色 撇甩「有仇必報」熊尚善形象

但出門時她遇着母親滕麗名回家，並見到其拿了湯和鐵打酒，滕麗名立刻問婉婷發生何事，「你可唔可以老實同媽咪講，等媽咪唔好擔心？」

婉婷即說：「我哋做嘢都會受傷，受咗少少輕傷冇咩事」不過滕麗名大為緊張：「少少輕傷點會住醫院，上次電視嗰單嘢，個警察出院冇幾日，依家棠哥又受傷，我都話衝鋒隊呢份工危險」。

婉婷再強調：「你唔好再幫我安排任何嘢，唔相睇，唔見工，總之我就唔會離開警隊。」

滕麗名十分生氣：「究竟你遺傳邊個？總係要對著幹，媽咪咁做都係為你好」婉婷則說：「如果你真係為我好，可唔可以畀我做啲我想做嘅嘢啫」兩母女再次吵架收場。

一班網民指雖然滕麗名在《守誠者》中出場的場口不多，不過今次其演緊張母親，擔心女兒婉婷的一面，演得出色，簡直撇甩在《愛·回家之開心速遞》中「有仇必報」熊尚善形象，令人甚有驚喜。

而且，在《愛·回家》中熊尚善的型格行政Look深入民心，但在《守誠者》中滕麗名以師奶Look亮相，加上她紮了低髮髻，頭髮散亂，衣着樸實，呈現不同一面給觀眾。