婚後事｜陳自瑤跳舞老師原來係J2er吳兆麟！曾憑《全城一叮》贏盡關注 5歲已經學緊呢兩樣嘢

由林肯監製、黃秉怡編審的《婚後事》，逢周一至五晚九點半翡翠台播映，主要演員包括羅子溢、陳自瑤、黎諾懿、賴慰玲、羅天宇及王敏奕等。

上網睇片自學拉丁舞

第12集《婚後事》 劇情講述，Emma（陳自瑤Yoyo飾）走出離婚陰霾後，整個人少了菱角之餘，亦花多了時間做自己喜歡的事，其中一樣是跳拉丁舞。而為了打消母親Nancy（黎燕珊飾）逼婚的念頭，Emma更與型仔跳舞老師夾計激鬼Nancy。昨晚型仔跳舞老師一出場即惹起網民關注，大讚外型ok。其實飾演該名型仔跳舞老師的演員，是J2ers之一的吳兆麟（Alan），曾主持多個綜藝節目包括J2長壽節目《不正常愛情研究所》。劇中所見，Alan跳起拉丁時舉手投足均相當自信，亦與Yoyo火花十足，不過原來Alan本身完全沒有拉丁舞底子，一切都是靠上網睇片自學：「其實我冇跳拉丁舞嘅底，但係嗰排我啱啱喺訓練班冇乜嘢做，所以去咗學一啲基本跳舞訓練，又啱啱好接到呢個角色嘅試鏡機會，所以我就每日睇YouTube學拉丁舞嘅基本嘢。雖然我冇跳舞底，但我成日都自己喺屋企聽住音樂亂咁跳，所以我喺casting條片都好大膽咁亂跳咗一次。」

小提琴８級 曾憑跆拳道奪得廣東省第一名
談到與Yoyo首度合作即要如此貼身，Alan坦言有少許尷尬，並謂全靠Yoyo安撫才得以放開自己：「一開始排練我真係有尷尬同少少驚青，因為當時嘅我仲係訓練班啱啱畢業，要同Yoyo合作固然會有少少壓力，仲要係咁貼身嘅合作；排舞嗰時，Yoyo都sense到我有啲繃緊、唔太放開，就叫我唔使介懷，大膽啲同放心咁掂佢，聽到之後我就唔客氣了，哈哈，Yoyo真系好專業。」雖然Alan沒有跳舞底子，但其實本身亦是周身刀，5歲便開始學習小提琴及跆拳道的他，曾憑跆拳道奪得廣東省第一名之餘，亦擁有小提琴8級音樂資格，認真厲害。不知大家是否記得，之前Alan與黃瀅仴組隊增加綜藝節目《全城一叮》，當時二人的小提琴加拉丁舞表演贏盡關注。