由林肯監製、黃秉怡編審的《婚後事》，逢周一至五晚九點半翡翠台播映，主要演員包括羅子溢、陳自瑤、黎諾懿、賴慰玲、羅天宇及王敏奕等。
昨晚播出的第12集，全集視點及主角都是Emma（陳自瑤飾）及Davey（黎諾懿飾），但最有趣的地方是，在最後Emma終答允Davey在一起的場口中，雖然Davey無論充滿憐惜及愛意的眼神，以及情感滿滿的對白：「十歲嗰年我阿爸走咗，由嗰日開始，我再冇試過心痛、傷神，但你係例外嘅。喺馬路攬住你嗰一刻，我真係好驚冇咗你，呢種感覺係得你先畀到我，我對上一次感受生命嘅熱度，就係阿爸臨走時，我攬住佢嗰一刻…」都令整件事相當浪漫又虐心，場口亦為Davey贏得不少正評；不過昨晚該場真正焦點卻聚焦在Gina（賴慰玲飾）身上，皆因Davey對Emma愈情深，網民越替Gina感到淒涼和不值，網民紛紛心痛留言：「呢一場令我更加心痛Gina」、「戥Gina心酸」、「原來不被愛嘅女人就係咁」。
賴慰玲：Davey同Gina嘅關係唔會就咁完
對於角色昨晚一集「休息」依然贏盡支持及討論，賴慰玲昨晚受訪時親自答謝觀眾熱愛及支持，搞笑預告Gina「玩多陣就返嚟」之餘，更搞笑向Emma及Davey送祝福：「雖然Gina去咗布拉格，但係好多謝大家都咁記掛住佢同記起Gina！喺Davey認識自己嘅過程，因為我不斷point out佢係鍾意Emma，佢就試吓同Emma一齊，咁佢先可以驗證到自己個心係點；即係如果你想去愛一個人，就要釐清自己嘅感覺，所以我都會祝福佢哋。但係Davey同Gina嘅關係唔會就咁完，大家等我返嚟，我喺布拉格玩多陣就返嚟㗎喇！」，如同預告「I Will Be Back」，令網民對後續劇情有無限暇想！
