《婚後事》金句一覽！自2月26日起播出後，《婚後事》張明芯 Emma（陳自瑤飾）、潘善仁 Tim（羅子溢飾）、甘誠鈞 Davey（黎諾懿飾）、呂靜林 Gina（賴慰玲飾）、程天暉（羅天宇飾）和呂靜海 Mira （王敏奕飾）的金句，引起網民熱烈討論，小編今次就整理了第1至10集的部分～
延伸閱讀：婚後事劇情20集劇透懶人包！劇情峰迴路轉 陳自瑤羅子溢王敏奕主演
「愛情世界，冇分好人同壞人」，每個人對待愛情的看法與態度不盡相同，無法分出絕對的對與錯，只在於從哪一種角度去理解與接受，有人消耗你，便有人治癒你，及時止損或奮力前行，是我們共同需要面對的人生課題。小編收集了劇中六大主角的愛情金句（更新至第10集），希望大家能透過他們的隻言片語，逐漸看清在愛情世界中仍在尋找些什麼的你自己⋯⋯
【1】張明芯 Emma（陳自瑤飾）- 強勢賢妻／控制狂虎媽
“等你受晒靶，大條道理做受害者，就算又鍾意第二個女人，都係我呢個做老婆嘅夠黐線、夠變態﹗係我親手㧬你去出軌﹗幾折墮都係我自己攞唻架﹗係咪咁呀？﹗ ”（EP. 1）
“撫心自問，做過啲乜，可以迫到，一個原本肯嘥心機、捱眼瞓，但求年年親手整生日蛋糕俾你嘅女人，變到今時今日咁嘅恐怖？又或者，得閒望吓塊鏡，睇清楚自己本來就係衣冠禽獸，咪係答案囉？” （EP. 1）
“就係刻骨銘心咁愛過，就算只係你口中嘅少少感覺，我都要揦到呢段愛情，體無完膚，死無全屍… ”（EP. 2）
“我真係好想，好似做八婆戲咁，痛痛快快撳你一巴。不過我唔同你，我做人知廉恥﹗無謂幫人教女吖？你想要阿Tim，即管攞去﹗有你抑或冇你，呢個男人我都唔會要﹗你根本就唔配做我對手﹗ ”（EP. 5）
善仁：“我有勒住自己…冇上床…”
明芯：“冇上床？！有冇鍚過摷過？！有冇生理反應？！閘埋門沖涼！同我做愛嗰陣！係咪諗住佢？！係嘅話！有分別咩？！？！” （EP. 7）
“放心，個女成年之前，我點都會俾健全嘅屋企佢。所以你傷咗、病咗，跛咗、癱咗，一日未死，一日我都會繼續照顧你…雖則死咗，就話一了百了啫？” （EP. 7）
“當局者迷，我都係到咗而家抽晒身，先肯認清一個事實…男人出軌，一個人不忠，兩個人都有責任，根本冇所謂受害者…﹗” （EP. 9）
【2】潘善仁 Tim（羅子溢飾）- 流浪講師／沉鬱中年
“點解係都要審犯咁同我講嘢…？﹗我有邊樣嘢，唔係做到足咁去補償…？﹗點解無時無刻都要提醒住我，我罪該萬死﹗死幾多次都唔夠贖罪嘅？﹗ ”（EP. 1）
“就如當日他說不愛女孩的時候，其實就是最愛她的時候。”（EP. 2）
“無論大人犯過咩錯，哪怕小朋友心入面係幾咁痛苦…佢都依然會盡最大努力，繼續愛佢嘅父母，小朋友嘅愛，從來都係咁單純…﹗ ”（EP. 4）
“互相報復係於事無補，只會加深傷害，最受傷嘅，唔係我同你，而係我哋個女，佢先係最無辜嘅受害者…我哋唔好再錯落去﹗” （EP. 4）
“當初老婆最鍾意我嘅嘢…而家全部都係嫌棄我嘅理由…﹗” （EP. 6）
靜海：“我知，你從來都冇愛過我…”
善仁：“我從來都冇愛過你… ”（EP. 7）
“凡夫俗子如我，終其一生，通常都係不斷錯愛…因為人總係一時一刻，將想望，或者慾望，投射晌一個對象身上…但從來冇正視過自己內心嘅缺口，一個接一個對象，永無休止，都永遠填唔滿心裡面嘅無底洞… ”（EP. 10）
【3】甘誠鈞 Davey（黎諾懿飾）- 萬人迷金龜／風流深情
“人生無常。有定冇，真同假，唔駛分得咁清楚！做人嘅嘢，但求開心，好唻好去！唔為難人哋，唔為難自己﹗” （EP. 3）
“一個人，可以同時鍾意好多個人，冇乜大不了…就算幾鍾意嗰個人都好，都唔需要為咗佢冇咗自己﹗” （EP. 3）
“我點同你？﹗我未結婚﹗點玩都得﹗你結咗婚﹗就要對頭家負責﹗ ”（EP. 5）
“係呀，你對佢哋好好，愛到冇晒自己呀…但當有咩池差，唔啱你心水，你就好似追債咁同佢哋講：喂﹗我付出好多架，你咁樣對我？﹗結果呢？佢哋只會覺得你嘅愛，唔係冇條件，係要回報，佢哋驚自己唔達標，驚你唔開心，驚俾你怨，咁點會開心？” （EP. 9）
“有良知、有惻隱、識內疚，就已經冇咗不忠嘅資格﹗” （EP. 10）
明芯：“有冇聽過渡人者？你都算係我渡人者…”
誠鈞：“朋友係咁架啦？我渡你，你渡我，未必得道，至少冇咁難捱… ”（EP. 10）
“好心你啦，做風流才子、做壞男人，做咩都好，唔需要藉口﹗你成日都睇唔起我，覺得我俗氣，但係你從來都唔知道，我同你嘅最大分別，就係我係真小人，你係偽君子﹗” （EP. 10）
“想話我乘人之危？I don’t care﹗我唔會嘥時間自命清高﹗” （EP. 10）
【4】呂靜林 Gina（賴慰玲飾）- 知情識趣拜金女／深沉老練
“好似你咁嘅男人，自然大把女人鍾意…只要你開心，你同咩女人一齊都得格，有乜好驚？” （EP. 9）
“你冇講錯，多過兩個人嘅關係裡面，冇所謂受害者，係我一路啞忍、縱容佢咁風流…我絕對唔係受害者。”（EP. 9）
“一段三角關係入面，冇話遲嚟嗰個就係第三者，冇分先後，首先唔被愛嗰個，就係第三者。” （EP. 9）
“最難捱嗰陣，我唔係冇諗過，好似你咁，去報復、去摧毀…我要報復嘅話，一定做得盡過你…但我寧願，做你做唔到嘅嘢，就係得體嘅退場。” （EP. 9）
“清醒過你，及時放手，係我唯一優勝過你嘅地方，亦係唯一方法，可以令Davey永遠掛住我… ”（EP. 9）
“到你有日毫無保留咁愛一個人，你先會真正明白，我有幾心痛…但我希望第時你有呢個福份，咁樣人生先冇白過…” （EP. 10）
【5】程天暉（羅天宇飾）- 三不港男／熱血追夢製作人
“香港人，搵食緊要過條命，得閒死唔得閒病，冇錢、冇時間、冇閒情，無謂累己累人啦？食快餐咪算囉﹗ ”（EP. 8）
“約炮最緊要有sex appeal啫？你有我有，過夜又唔係過人世，我都唔會深究你有幾多身家架喎？” （EP. 8）
“愛情狂，唔係你死就我亡…真係好可怕﹗﹗” （EP. 8）
“全球晌交友app偷食嘅人，起碼都過億啦﹗我之前個炮友都就結婚格？就算真係天譴，都有我同成億人陪你啦﹗” （EP. 8）
“約炮世代，有真金冇真心，有得食唔食先罪大惡極，邊有所謂偷唔偷食吖？” （EP. 8）
“你對人痴心一片﹗人哋當你黐鬼咗線架咋﹗” （EP. 8）
“家陣邊個唔係易嚟易去，你瞞我瞞，先皆大歡喜吖？” （EP. 8）
“好你條命咩﹗你知唔知真係好亂籠、好黐線呀？﹗Emma張、潘善仁、阿海一個三角，你、娜姐、Emma張，又係一個三角﹗三角疊三角仲掕埋我即係七角﹗名符其實七國咁亂﹗ ”（EP. 8）
靜海：“因為你，就係呢個約炮世代嘅一點真心﹗”
天暉：“我有異性冇人性架喎﹗有囡囡我就係咁先架喇﹗”
靜海：“好﹗祝你早日﹗搵到條唔嫌你kai嘅女﹗”
天暉：“咁我都祝你，早日搵到條唔嫌你癲嘅仔﹗”
靜海：“講得好﹗友誼萬歲﹗”
天暉：“友誼萬歲﹗” （EP. 8）
【6】呂靜海 Mira （王敏奕飾）- Drama Queen／戀愛狂
“可以毫無保留咁愛一個人，係人世間最幸福嘅事…就算全世界當我係罪人，我都覺得係值得！”（EP. 6）
“全世界每一日都有人鍾意緊唔應該鍾意嘅人！我係淫婦嘅話﹗大把女人都係淫婦﹗”（EP. 6）
“我以為…你最明我、我最明你﹗我以為喺你面前，我係做緊更加好嘅自己﹗你愛嘅，係我嘅好﹗但原來…你同全世界都一樣！不過當我係姣花、淫婦！呢段根本就唔係愛情…﹗”（EP. 6）
“呢個世界係得愛情，可以令人生嘅痛苦、平庸同瑣碎，變得容易忍受…“（EP. 7）
“曖昧唔需要進程同結果，曖昧淨係為咗曖昧而存在。曖昧滿足唔到你，係因為嗰日見到我冇著衫？消解慾望，得一個方法，就係唔壓抑，盡情發洩晒出嚟…”（EP. 7）
善仁：“其實你心入面，住咗個細路女…好想得到愛，先扮到咩都冇所謂，但求有人愛你…”
靜海：“我講嘅嘢，係咪太掃興…？”
善仁：“每個人…都有脆弱、卑微嘅一面…我都一樣…”（EP. 7）
善仁：“你對我點，我好清楚。愛得單純係真，一時一刻，對我嚟講，係致命誘惑，都係真。”（EP. 7）
“你覺得鍾意咗我，就係不忠，不忠就係罪大惡極。我覺得鍾意一個人，冇分啱定錯架﹗真心愛你嘅話，根本唔會審判你有罪定冇罪，亦唔駛你贖罪…﹗”（EP. 7）
