:quality(80)/public/tvbcom/article/images/202503/bcfbda07-0b30-40ff-9687-3da84f816312.jpg)
最後一位要詳細介紹的《奪命提示》好戲童星，是現年13歲的何珀廉（Curtis）。曾接拍不少廣告的珀廉，2021年開始參與劇集拍攝，至今參與過《金宵大廈2》、《美麗戰場》、《羅密歐與祝英台》等13部劇集拍攝。除了劇集拍攝，珀廉還有參演電影拍攝，2023年更憑《年少日記》提名金像獎最佳新演員，實力不容忽視。
延伸閱讀： 奪命提示劇情及演員名單｜全30集劇透懶人包（持續更新）陳山聰/張振朗/劉佩玥/劉穎鏇 破高智能懸案
其實Curtis是次要應付的角色絕不簡單，皆因除了要展現小朋友天真爛漫一面，更要挑戰「陰沉神秘」、「失神」及「極度驚慌」等不同場口。對此，Curtis媽咪接受TVB.COM訪問時笑言，她陪Curtis拍攝時，於現場完全感受不到半點恐怖，並謂現在出來有如此效果，全靠監製及整個劇組在旁的用心教導及支持。「監製八成場口都係好貼身咁教珀廉，同佢傾完劇本內容，再好細緻咁教埋佢應該做啲咩表情，因為珀廉本身係happy boy，所以真係全靠指導得好先做到咁好，因為現場氣氛亦都冇特別，所以佢拍完都冇事。其實成個幕後都好貼心，成日都有成班哥哥同姐姐教佢、幫佢同保護住佢去做。」
除了演藝成就，Curtis還被譽為「鋼琴尖子」，現年只有13歲的他已同時擁有鋼琴演奏級、小提琴六級文憑及八級樂理佳績，亦曾奪得多個香港及國際鋼琴比賽的獎項。
「佢兩年零之前正式入咗演藝學院讀青少年鋼琴課程，師隨李嘉齡老師，上星期日啱啱同香港小交響樂團進行咗一場試演。同埋啱啱喺越南代表香港贏咗一個協奏曲冠軍，同埋喺日本舉行嘅《Piara國際鋼琴大賽》（日本中部極具指標性的青年鋼琴好手賽事之一）度攞咗第三名。而4歲開始學琴的Curtis，鋼琴之路亦不是一帆風順。其中一件事，是Curtis曾連環七次落敗「香港青少年鋼琴大賽」，正當連何媽媽也苦勸他不如放棄時，Curtis卻堅持說不行，並謂「我一定要贏到為止」！最終Curtis在第八次終於成功贏得組別冠軍，鑽石級的意志力及堅持絕對值得學習。
