:quality(80)/public/tvbcom/article/images/202504/ef0c3b86-5a40-4058-9a36-e506fd4fd5d4.jpg)
昨晚一集《奪命提示》，牽涉邪教的「五大乾屍奇案」正式落幕！經過一輪混戰，俊朗（張振朗飾）及嘉莉（劉穎鏇飾）將案件Big Boss、靈修營主腦「老師」卞經海（許俊豪飾）緝拿歸案。原來卞經海之所以如此嗜血兼殺人如麻，全因背後有段悲慘的成長故事。經海哥哥是嚴重地中海貧血症患者，經海父母不但長期要經海輸血救哥哥，甚至向他苛索腎臟…經海最終因長期飽受心靈創傷走火入魔…
延伸閱讀： 奪命提示劇情及演員名單｜全30集劇透懶人包（持續更新）陳山聰/張振朗/劉佩玥/劉穎鏇 破高智能懸案
是次許俊豪（Lincoln）的角色有三大記憶點，第一是帶點「冼樸」Feel的斯文敗類造型、第二是超長的海量對白、第三是昨晚口供房的超大情緒起伏場口。事緣一直自視甚高的經海，原本還滔滔不絕發表「殺人偉論」，眼神更是充滿殺氣＋邪氣；但隨著俊朗將經海的悲慘過去一一攤出，經海的情緒亦出現極大變化，先是生氣得咬牙切齒兼不斷發抖，及後更出現幻覺將俊朗及嘉莉當作是自己的生父生母，歇斯底里地對著二人指罵，更一度因太激動而失禁...失禁過後，原本張牙舞爪的經海恍如洩了氣的汽球般攤在椅子上，並痛哭得像個無助的孩子…談到相關場口，Lincoln接受TVB.COM訪問時，坦言是演技上一大挑戰：「因為要同一時間演繹高傲失控，仲要一下子個勢要由盛轉衰，真係一個大挑戰嚟。」
難忘15分鐘完成拍攝7頁紙海量對白
除了情緒極速轉折，Lincoln指劇中海量的Solo講對白場口，也是極富挑戰性！「我第一次收到劇本時好激動、又有少少緊張，因為真係太多對白要講。我記得有一日同場有30-40個演員，所有洗腦內容由我一個人講晒。我記得嗰日大概拍咗6-7場戲左右，當時我一個大頭都未拍，但去到臨收工凌晨四、五點嗰陣，大家都收晒工喇，現場得番我同監製同埋一部Cam，我就要一輪嘴對住部Cam，講晒嗰6-7場嘅洗腦對白出嚟，嗰堆對白大概6-7頁紙度、全部要3 Take內要完成，好彩我最後15分鐘內完成咗所有大頭拍攝，真係好好玩，好大挑戰性！」
靠眼神及語氣設計展現變態角色「微變化」
是次是Lincoln繼《愛上我的衰神》後，再度飾演變態殺人狂，但觀眾依然十分受落，並封Lincoln為顏值高企的「變態殺人狂」專業戶，並指他「邪氣由心而發」！談到再演變態佬，為了配合角色兼帶出新鮮感，Lincoln刻意在眼神及語氣設計上加了少許變化：「卞經海個角色係仇視一切嘅，所以講嘢語氣同眼神個殺氣都會勁啲。」為了增加記憶點，他還為角色加入了「撻手指」這個小動作，相當有心思，他又謂十分感激監製為他設計了這個相當有新鮮感的造型。「個造型係監製設計嘅，我自己都好鍾意，因為好有新鮮感，好多同事第一眼大家認唔出我，我差唔多十年冇剪過咁短頭髮，可以畀觀眾見到唔同形象，我係好開心嘅。」Lincoln續指這次是他第一次開真槍！
