奪命提示第7集線上看｜楊卓娜成小朋友守護天使 魔鬼鄧智堅大講「丁蟹式」歪理

【奪命提示第7集線上看】楊卓娜成小朋友守護天使 魔鬼鄧智堅大講「丁蟹式」歪理

兒童失蹤案隨住莫查斯(鄧智堅)被捕後水落石出，劉淑娟(楊卓娜)一直默默保護小朋友，免受莫查斯嘅魔爪，但就受流言中傷而慘成疑犯。郭柏飛(陳山聰)同姜曦文(劉佩玥)調查莫查斯嘅底細，發現佢以前曾經喺薩卡比亞做醫生，但因為非禮女病人及殺害揭發佢嘅十歲小妹妹而走佬返香港，不過依然死性不改繼續作惡。莫查斯不斷用歪理合理化自己嘅惡行，完全無悔過之心，無恥程度拍得住「丁蟹」。劉淑娟因為犯法依然要接受法律審判，一眾小朋友感謝娟姐嘅照顧同保護，眾人相抱而泣作最後道別。

由於警隊至今已收到超過17條AI人工智能Julie嘅命案提示訊息，警司關振羽(張國強)決定成立神秘訊息情報科，並搵嚟心理學家商雙(郭柏姸)同方子超(丁子朗)加入，對Julie展開全面調查。組員招俊朗(張振朗)同溫嘉莉(劉穎鏇)當值期間收到導航嘅提示，趕到目的地後，現場突然發生人體自焚，受害者失控衝向人群...

延伸閱讀：

奪命提示劇情及演員名單｜全30集劇透懶人包（持續更新）陳山聰/張振朗/劉佩玥/劉穎鏇 破高智能懸案