奪命提示大結局｜林子善慘死一幕搞喊劉佩玥 戲內戲外均感情深厚子善囡囡連見到月亮都會諗起阿Moon！

明晚大結局的《奪命提示》，昨晚一集除揭出Julie真身，還相當催淚！事緣劉力（林子善飾）遭和事佬（謝東閔飾）計算慘遭綁架及被毒打，和事佬更殘忍地將劉力變成炸彈人。最終劉力因不想連累前來營救自己的柏飛（陳山聰飾）及姜姐（劉佩玥飾），決定自我引爆與敵人同歸於盡，死得相當轟烈！

延伸閱讀： 奪命提示劇情及演員名單｜全30集劇透懶人包（持續更新）陳山聰/張振朗/劉佩玥/劉穎鏇 破高智能懸案

由於劉力向來是ASIB的真‧和事佬及開心果，加上為人重情重義、零機心，到臨死一刻還是最著緊好兄弟及好同胞的生死，故昨晚他慘死一幕網民無不表示同情及不捨，並大讚「最佳男配角」林子善演技極富感染力：「劉力…你終於可以留返啲力…繼續好好咁喺第二個世界度過日子…ASIB&me都會好唔捨得你」、「劉力嘅角色做得很好，好令人印象深刻」、「劉力，你捨得ASIB班兄弟架啦！」、「劉力係一個搞笑嘅人，真係好唔捨得」、「點解要死得咁慘」、「劉力很帥，有義氣」。

催淚背後笑料百出

不過不說不知道，這幕催淚戲背後原來勁多搞笑嘢。首先劉佩玥（Moon）雖然有份拍攝該幕戲份，但她昨晚看到劉力慘死一幕，仍是忍不住哭了起來，更遭劇組踢爆。就此，阿Moon接受TVB.COM訪問時透露，由於與子善戲內戲外均感情要好，故每次只要回想起該幕便忍不住會心痛，果然感情豐富：「其實拍嗰陣我已經好崩潰。子善係好照顧我嘅大哥哥嚟，佢直情同我爸爸講話:『我一定會照顧你個女架，你放心啦！』佢真係好好嘅朋友嚟。」阿Moon又透露與子善的家人也很熟腍：「我同子善會互相分享屋企嘅開心事，佢太太同囡囡同我都好夾架，子善會話：『我個女好掛住你呀，成日Moon姐姐，見到個月亮又話Moon姐姐』，我聽到會好開心。」