夫妻的博弈｜黎燕珊再演貪錢阿媽入木三分 發窮惡死𢱑禮金 獲封「御用衰阿媽」

講到雪文原來找了特約演員（沈可欣飾）假扮其母親出席婚禮，豈料淑冰突然踩場在眾人面前大爆自己才是真生母，雪文見到多年不見、曾經狠心拋棄自己的母親，震驚之餘即時下逐客令，趕對方離開！

淑冰卻「賴死」唔走，更反客為主斥責女兒為何要找人假扮她，雪文流住淚連環咆哮控訴：「你有咩資格做我阿媽？你記唔記得你要嫁去加拿大，就算見到我都唔會認我做女，你記唔記得呀？」

面對女兒的指控，淑冰聲稱當年因老公有外遇才將情緒發洩在她身上：「就算我幾唔好，都係生你出嚟嗰個！所以我咪搵番你修補關係，你又唔睬我。」

雪文聽罷更加崩潰激動：「我梗係唔睬你啦！你根本喺度搞破壞，你快啲同我走呀！」

爭吵到最後，淑冰終於露出貪錢真面目，原來她死闖婚禮的唯一目的就是為了錢，「我點都好，都係生你養你嗰個，你今日出嫁，我係咪好應該要有禮金」她更擺出一副極度「衰格」的嘴臉賴死不走，終被人抬走離場，場面肉酸。