夫妻的博弈｜高海寧首集慘到極致！拍捉姦在床戲喊到停不了 親爆被張頴康真打掌摑：個心噏得好緊要

講到姜幸如（高海寧飾）一直受盡丈夫施繼威Mark（張頴康飾）的欺壓。她長年積勞成疾，確診患上胃癌。在醫院內她誤收到丈夫的訊息，故去酒店捉姦在床，發現施繼威偷食其好姊妹潘雪文Sherman （郭柏妍飾），令幸如大受打擊，難以置信。

而且，當幸如聽到二人更覬覦其的巨額保險金，心痛不已，淚如泉湧痛心表示「我唔明點解你要咁對我，我做錯咗啲乜嘢？點解係Sherman ？」、「點解係我最好嘅朋友同我最愛嘅人搞埋一齊㗎？」，Sherman竟厚顏無恥回應「我只係好心幫你照顧阿Mark」 幸如失控上前打對方，繼威當場護花並狠狠一巴掌摑幸如，冷血咆哮：「你要死快啲去死」幸如心碎逃離現場，隨後更被追出來的 Sherman 推出馬路慘遭車撞，命懸一線。

她在昏迷夢中重溫自己在家中地位卑微備受奶奶與丈夫欺壓，被當成工人般對待的過往；工作上又被好姊妹暗中打壓，所有不幸的事情也發生在自己身上，令人看得痛心。

早前高海寧受訪透露拍攝的過程極之痛苦，全因所有不幸集於一身，特別是撞破「老公」張頴康與閨密郭柏妍上床的一幕，哭到停不了，「拍完無咗半條人命，要坐在地上平復心情，先可以再拍被老公張頴康掌摑嘅戲，大家都嚇親。」

她又指在後期配音時心情依然難以抽離，「我睇完嗰場剪好嘅片段，我個心噏得好緊要，好似個石頭壓住個心，簡直唞唔到氣，要唞陣先可以再配。」