夫妻的博弈｜鄧智堅做職場「老油條」 借機抽水郭柏妍嘴臉超衰格：你送埋畀我抽水一定奉陪

講到KC與施繼威Mark（張頴康飾）暗中聯手讓葉家謙（馬國明飾）的組別成功奪得項目。KC得戚地說：「依家先下半場，慢慢食花生」。

其後，潘雪文Sherman （郭柏妍飾）為了討好KC而約他共進晚餐，Sherman發揮嬌嗲本色，「多謝KC你肯畀機會我，仲幫我同查理講好說話」KC明顯受落一臉冧爆樣說：「你應得嘅，我最鍾意提攜後輩，畀心機做，好好把握今次機會」。

Sherman即回應「知道KC，你以後叫我做咩就做咩」而KC乘機在對方遞酒杯時借意摸其手仔「抽水」。

作為醒目女的Sherman立即提出與KC自拍並公開合照，一來想炫耀自己得寵，二來藉此保護自己防止 KC 亂來。而精明的KC早已看穿對方的意圖，擺出一副招積嘴臉，心想「你醒我都唔笨，你送埋畀我抽下水，我一定會奉陪㗎，不過你未至於要我為你犧牲頭家同事業囉」。