夫妻的博弈｜郭柏妍「綠茶」真面目終極拆穿 自揭性格反差大難融入角色靠呢樣入戲

劇情講述重塑形象的幸如，拉着一直針對自己的「三人組」與雪文當面對質，並聯同浩恩（何廣沛飾），拆穿雪文過往種種謊言！原來雪文一直暗中不斷製造誤會，在同學面前抹黑幸如，做出誣衊其偷MP3、模仿幸如字跡串竄改情書等等令人不齒的行徑。

儘管「綠茶」面目被拆穿，雪文依然不知悔改，相繼施展扮無辜、厚面皮等招數。眼見失效，她索性徹底撕破臉，砲轟三人組：「我講啫，你哋唔識去求證㗎，我冇叫你哋去欺凌佢㗎，你哋自己去欺凌人，依家走嚟怪我啊！」最後甚至反怪幸如：「最衰就係你！枉我一直對你咁好」。

在求幸如原諒不成後，雪文露出兇狠眼神，誓言要幸如償還一切，將惡女形象貫徹到底！郭柏妍今次的突破性演繹令觀眾眼前一亮，她接受tvb.com訪問時，自揭為了能更好投入角色，特別寫了長篇幅人物小傳。不過由於本人性格與角色反差太大，起初一度難以融入，幸得監製、對手演員們的引導幫助其入戲：「好希望真係做得壞啲，令到大家相信我都係一個衰人嚟嘅。」

郭柏妍坦言對高Ling飾演的幸如感情複雜，並非單一的恨，而是由愛生恨：「雖然大家表面覺得我好憎佢，但其實我自己心入面係好鍾意佢，鍾意到變咗恨佢」，更憶述其中一場戲令她至今印象深刻：「我記得嗰場係一個頒獎台度多謝佢，其實個陣時係真心嘅，當然佢有壞嘅一面，慢慢用呢啲位融入角色」。