夫妻的博弈｜郭柏妍爆喊痛斥高海寧 自揭「由愛生恨」極端心理 高Ling爆對方為入戲咁樣做

當幸如得悉一切後感到對方十分恐怖，Sherman情緒失控，連番厲聲痛斥，「你收聲呀！你冇資格咁樣講」、「你媽走咗，你爸仲對你咁好，當你係寶，我阿媽就覺得我係女，所以我阿爸要跟咗第二個女人走 」。

Sherman愈講愈激動爆喊說出藏於心底的傷痛，「我每日都見唔到佢，唔知佢喺邊，之後佢就改嫁咗去加拿大，話以後都唔要見到我，就算見到我都唔要再當我係女。」、「點解咁唔公平，點解所有好嘢都係你姜幸如身上呀？」

面對 Sherman的崩潰，幸如反擊說：「個天本身就係咁唔公平，你選擇要怨天尤人，選擇要做受害者，冇人幫到你」。

郭柏妍的表現備受網民關注，指她將角色對幸如的嫉妒、對生母拋棄自己的痛恨，以及內心深處極度缺愛的委屈，呈現出豐富的層次感，情緒遞進相當自然，令不少觀眾由原本討厭這個「小三」，變成同情她的遭遇，大讚其演出不俗。