夫妻的博弈｜郭柏妍化身進擊的小三慘遭嫌棄身材「microwave」張頴康狂減30磅演極致渣男

點讚

撰文：柔娛絲

發佈日期：2026-08-05 13:30

《夫妻的博弈》今晚（5日）一集郭柏妍與張穎康的親熱戲再引關注，場面Hot爆！

講到雪文Sherman （郭柏妍飾）欲親自到幸如 Senna（高海寧飾）家向她賠罪，幸如將計就計，相約施繼威Mark（張頴康飾）到家中，為二人提供單獨相處的機會，希望藉此令二人搭上。

Mark得知幸如相約上她家開心得立即買了壯陽藥和紅酒，更悉心佈置家中擺了蠟燭和花瓣，並半裸上陣，大晒腹肌，準備迎接浪漫時刻。

另一邊廂，Sherman 刻意滴眼藥水扮可憐，當她見到Mark後立即發功扮喊，更攬着Mark哭訴：「Mark哥點算呀， Senna仲係唔睬我呀，佢唔理我呀，我唔可以冇咗佢㗎！」Mark將她推開並叫其冷靜，自己立即圍着毛巾。

Sherman 得知Mark一人在家，當然不會放過這個大好機會，主動投懷送抱，加上一臉可憐無辜樣，令Mark終於忍不住出手，「係你逼我㗎」隨即吻向 Sherman。

豈料，Mark 在親熱期間發覺 Sherman的身材與Senna 相距甚遠，連環爆出金句，「點解明明目測有42吋，依家差咁遠？」、「microwave？咁我好難代入到你係Senna㗎喎！」Sherman生氣地說：「施繼威有冇搞錯呀？你當我係Senna?有病㗎你？」隨即嬲爆爆離開，場面搞笑。

網民指這場戲原本是浪漫變搞笑收場，指郭柏妍簡直是進擊的小三，又讚原來張穎康身形好Fit，留言「呢場戲好好笑」、「阿康講microwave，真係笑咗」、「高Ling好慘呀！」、「阿康好Fit呀！」

張頴康接受tvb.com獨家訪問透露為角色減30磅，特意營造渣男乞人憎形象，「我用咗1個月時間減磅，嗰時酒店冇Gym room得跑步機，我每日收工就返去跑步，同埋由嗰時開始習慣咗由朝早同中午都唔食，剩係食晚餐，仲要冇飲酒，所以瘦得好快，我都幾鍾意嗰時個狀態。」

至於劇中與郭柏妍有多場的親熱戲，他說：「今次都算係入行以嚟最多嘅一次，我拍之前都有同太太講咗，佢好信我，同埋又識得郭柏妍，知佢好純品，佢都有叫我睇住佢。」

他又指拍攝這些場口，男演員較女演員更為緊張，「郭柏妍都好信我知我唔會亂咁嚟，我同佢拍嘅時候，都會用我身體幫佢遮啲穿崩位。」

郭柏妍受訪時也表示拍攝前十分擔心，全因經驗少，「好彩康哥好好講清楚會做咩，慢慢拍得多咗就輕鬆啲。」

主頁