夫妻的博弈｜游嘉欣馬國明兄妹互動有火花 親揭獲「阿哥」度呢個稱號錫到燶：佢真係好照顧我

在劇中游嘉欣演的葉熙妍與二哥葉家謙感情要好，總之對方發生任何事也會力撐。昨晚（5日）一集家謙主理的珠寶廣告意念被對家公司捷足先登，不但遭插贓嫁禍指控他出賣公司，又影響到衍嶸的生意計劃，面對嫲嫲葉卓苓君（黃文慧飾）的怪責，熙妍心急為兄護航，足見兄妹情深。

兩人在劇中的日常互動卻充滿喜感，早前一幕講到家謙突然煞車，令正在化妝的熙妍把唇膏畫出界。面對妹妹的「嬲豬」，家謙一邊笑言「玩下咋嘛，鬼叫你要黐車坐，又唔願起身，仲要喺度化妝，搞到我成車都係紙巾。」熙妍則嬲豬地說：「今日我化得個妝好靚㗎，嗰啲紙巾會有人執㗎啦，你講點賠番畀我。」家謙最終貼心地親手為妹妹抹走唇膏，場面溫馨搞笑。

另外，演千金小姐的她在劇裏有多套靚衫造型，更不時穿短裙上陣，每個Look也散發青春魅力。

首次與馬國明合作的游嘉欣，接受tvb.com獨家訪問大讚對方戲裏戲外也十分友善，「佢真係好照顧我，畀到我哥哥嘅感覺，同埋佢個人好搞笑，我哋拍兄妹戲，佢都會畀好多意見令到情節更有趣。」

她指在車上被馬國明作弄的一幕，對方提議放多些紙巾在車上，令畫面更豐富和搞笑。