:quality(80)/public/tvbcom/article/images/202608/8a94c325-8ed0-41db-af70-b8ab99fe9c5b.jpg)
熱播中的《夫妻的博弈》，劇中多位女演員的表現均十分亮眼！其中飾演 Account Servicing 林美淇（Maggie）的何沛珈，將一個努力工作、渴望獲上司賞識的逆來順受打工仔演繹得淋漓盡致。
延伸閱讀：夫妻的博弈｜SHERO 五缺二！李海銅游嘉欣楊卓娜狂擺萌甫 私下超有愛互動
夫妻的博弈｜高海寧大變身 秒變霸索爆行政女強人！率領全女班霸氣登場
:quality(80)/public/tvbcom/article/images/202608/0091c840-d8f6-4bcf-b9cf-bd8274409b71.png)
講到Maggie的上司朱守業Hugo(董敬文飾）是典型的「「職場老油條」，平時「功自己拎，鑊下屬上」，最辛苦的豬頭骨工作全推給 Maggie。但性格逆來順受的她，念在一場師徒關係，一直默默耕耘，有苦自己啃。
日前（10日）一集，幸如Senna（高海寧飾）率領「女子組」負責首個項目，給云瓏飲食集團的品牌重塑，遭被遭云瓏的代表李總（蔡國威飾）否決。
李總不但帶有性別歧視，直指「女人做唔到大事」，更在 Maggie 為他斟酒時連番出言侮辱，甚至趁機「抽水，令她立即縮開，身為其上司的 Hugo 竟然袖手旁觀，完全沒有為下屬發聲，令Maggie 只能默不作聲。
為了突顯角色的成長，在造型上也花了不少心思，前期的Maggie留著一頭空氣瀏海空氣，而跟隨Senna「大變身」後則轉為分界造型展現俐落、專業能幹的形象。
何沛珈接受tvb.com獨家訪問透露前期的空氣瀏海造型乃是她主動提議，「我試造型嘅時候都有同造型團隊同埋監製提議，因為希望個感覺可以更加貼近個角色鵪鶉無害。」她坦言近10年未試過有瀏海，「因為我本身比較怕麻煩，就算有剪都係剪完之後過咗兩日我又收返起，加上天生啲頭髮又攣攣哋，真係好難打理，起身個頭就好似雞冠咁。」
至於在妝容方面，她指前期與後期也有分別，「未變身之前都會比較清淡啲，而變身之後個感覺係會更加幹練，有加重咗個眼線。」
談到角色勤力如「牛」，何沛珈直言這點與角色相似，但性格卻大相逕庭，「我唔似美淇畀人恰都唔出聲，我仲會為其他人出頭，所以呢樣係今次呢個角色比較大嘅挑戰，而我睇劇本嘅時候直頭要忍住道氣代入番美淇，因為佢未遇上呢一班女仔未成長之前，連呢一道氣都唔會有，師傅講嘅嘢就係道理。」
另外，她續指在拍攝前特意上了Acting Class，做足準備功課，「因為拍呢套劇嘅時候，其實我都隔咗差唔多成年冇拍劇，都擔心自己會生疏，所以喺拍之前我都有再去上Acting堂幫自己warm up 一下。另外，我要感激我嘅師傅董敬文，佢嘅演繹令到成件事搞笑咗好多，亦都好幫助到我。」
