夫妻的博奕｜林漪娸搣甩闊太形象！首演無賴貼地師奶刻意化淡妝 大爆最難拿捏係呢樣：今次係考牌戲

劇中李佩貞（林漪娸飾）為人奄尖聲悶，對幸如Senna（高海寧飾）諸多挑剔，要求她做齊家務，又不時嘴臉超衰格怪責她「生唔到仔」，只當她是工人和生育工具。

佩貞除了態度衰格外，又喜歡貪小便宜，日前（13日）一集，繼威（張頴康飾）相約幸如為母親李佩貞慶生，雪文（郭柏妍飾）耍手段令幸如失約，自己卻突然帶住大禮上門討好佩貞。

貪小便宜的佩貞見到大禮即刻眉開眼笑，更留對方食飯；加上雪文連番出招大讚其廚藝，氹得佩貞相當開心。

不少觀眾對於林漪娸演衰格師奶角色有驚喜，更指每次見到她與阿仔張頴康的場口也覺十分搞笑，留言「未見過漪娸姐唔係做有錢人」、「佢做得衰格得嚟又好笑」、「漪娸姐做得好好喎」。

林漪娸接受tvb.com獨家訪問坦言首次演貼地師奶角色，並指看劇本時也覺這角色十分討厭，「 我覺得今次簡直係考牌戲 ，咁衰咁無賴都係第一次演，所以事前都諗咗好多點樣去演。」

她指在拍攝前更特意相約演其兒子張頴康見面，「因為我哋做兩母子，大家傾下會點演，最終大家有共識就用無賴嘅方式去做，有少少喜劇成份之餘，又唔會令人討厭到要熄機 。」

她續說：「由於角色真係好衰格，所以我覺得係好難演繹，點做到夠衰得嚟，又唔會令人唔想睇，要拿捏得好準。」