夫妻的博奕｜孔德賢再演富二代自嘲「奸得嚟又好蠢」 爆戲外極樸素拒做偶像派：我係做演員

今晚（19日）一集講到衍嶸集團、東馹集團舉行合作框架協議簽署儀式，作為東馹集團行政總裁的胡哲朗（ 孔德賢飾）代表公司簽署，理應成為記者的焦點。

豈料葉卓苓君（黃文慧飾）即場公布葉胡兩家成為姻親 ，Aiden（馬國明飾）與Quinn將會拉埋天窗，隨即搶去哲朗所有風頭，令本應是主角的他慘成佈景板，心生不忿。

事後他一臉不爽，對父親胡振東說：「啱啱影咗咗多張相，偏偏剩係登咗最後嗰張大合照，個C位畀咗Aiden同你個女呀，我就得半邊臉。」、「上次廣告換代言人嗰單嘢，你要收埋我畀家姐接手，我等咗咁耐就係等今日，我依家要做乖仔都要有人睇到先得㗎！」

胡振東即安慰兒子，「我再畀位你，你唔使眼紅你家姐，只要你乖乖哋真心認錯、安安份份，我搵大把精英幫你，你肯定係我接班人。」哲朗聽到父親這番話後，隨即一秒變臉，由極度勞氣瞬間轉為暗喜，自覺勝券在握，盡顯有野心的一面。