:quality(80)/public/tvbcom/article/images/202608/6dad2052-d3e8-42a0-9cd3-0a8089c92ffd.jpg)
熱播中的《夫妻的博奕》，劇中一班小花同樣表現亮眼！當中一直給人斯文溫柔印象的李海銅，今次迎來極大突破，飾演性格中性、超有義氣的「男仔頭」阮思穎，令人眼前一亮。
延伸閱讀：夫妻的博奕｜楊卓娜着塑身衣晒震撼身材 自爆拍攝前壓力大到失眠：照鏡覺得自己好肉酸
夫妻的博奕｜何沛珈慘食死貓狂呻 高海寧率姊妹團鬧爆卸膊上司 親揭靠呢位視后出手拉近姊妹情
:quality(80)/public/tvbcom/article/images/202608/b1944ec1-4080-4162-9387-dab4d3c26604.png)
今晚（18日）一氣講到幸如（高海寧飾）一組的塑身衣廣告因被曲解成歧視女性而惹來抨擊，不但有人在宣傳活動上滋事，而且亦引起網民熱討！
熙妍（游嘉欣飾）、婉蘭（楊卓娜飾）、思穎和美淇（何沛珈飾）因廣告意念被扭曲而感到相當憤怒，決定化身「鍵盤戰士」在網上與網民激烈駁火，團結一心誓要扭轉局面，力保幸如不用公開道歉！這份「齊上齊落」的熱血姊妹情，獲大批網民激讚，紛紛留言「如果我喺公司都有一班咁好嘅姊妹就好」、「佢哋齊上齊落好正」、「好鍾意睇佢哋成班女仔嘅場口」。
這份深厚的姊妹情不僅停留在戲內，李海銅接受tvb.com 獨家訪問時直言她們戲外感情同樣極好，並笑指幾個女仔聚在一起便會「停唔到口」，「我哋一cut機把口係停唔到，唔單只係傾偈傾到停唔到，而且仲一邊傾一邊食，所以監製導演成日話只要有我哋幾個女仔喺度就會好嘈。」
她指很開心能在拍攝中認識這班好姊妹，「好似游游，我哋好多戲份一齊，所以成日都一齊返工放工，而且我哋啲口味好夾。我哋同沛珈仲組成咗桑拿小隊，經常收工就去焗桑拿去水腫，大家變得愈嚟愈熟。就算返到香港，我哋都有約出嚟食飯見面。」
李海銅又指娜姐在片場十分照顧她們，經常煲湯兼買很多小吃慰勞大家，相當貼心；而高Ling亦因拍攝《夫妻》而認識，其後在台慶的合作變得相熟，「因為呢套劇令我多咗幾個好朋友，可以傾到心事嘅人，真係好開心。」
另外，談到今次角色「男仔頭」，她自言真實性格「麻甩」，「我私底下都幾麻甩，有睇我嘅綜藝都知，所以今次做呢個角色放大自己呢一面，我覺得好爽。」
