夫妻的博奕｜何沛珈慘食死貓狂呻 高海寧率姊妹團鬧爆卸膊上司 親揭靠呢位視后出手拉近姊妹情

講到查理（鄭子誠飾）怪責Hugo（董敬文飾）和KC（鄧智堅飾）負責的絲然沐浴露項目竟然超出預算十萬元，Hugo見狀即展現「A字膊」本色，將責任全數推卸給下屬 Maggie，更自編自導聲稱自己「教導無方」；旁邊的 KC 更煽風點火指自己「幫手補鑊」。

最令人氣憤的是，Hugo 不但屈Maggie搞出大頭佛，更反咬一口投訴她擅自越權。實情是Hugo沒有聽到Aiden（馬國明飾）的電話，所以才轉找Maggie幫忙。

面對師傅的卸膊和無賴，受盡委屈的Maggie，面有難色向查理道歉，只能默不作聲獨自吞下這隻「死貓」。

隨後，Maggie找好姊妹幸如（高海寧飾）、熙妍（游嘉欣飾詞和婉蘭（楊卓娜飾）大呻，更忍不住委屈落淚，「我真係好委屈，睇怕依家都唔會升我」她們叫Maggie清醒一點，「佢只會PUA你」，並大罵Hugo根本是小人，齊齊高呼「男人都係賤格」。

何沛珈接受tvb.com獨家訪問談到美淇這個角色，初時十分尊敬師傅，直至高海寧等人出現，教懂她學懂保護自己，這份姊妹情對角色來說非常珍貴。

她指初時除了與嘉欣較為熟悉外，其她人也未合作過，因此默契需要磨合，幸好獲佘詩曼出手幫助，「嗰時阿佘搞咗個Christmas dinner，我哋飲完少少酒之後就攬住大家講自己嘅事，自從嗰次之後就好似開咗個掣，各自講自己嘢，拍攝順利好多，好多時唔需要點夾已經好有默契有嗰份姊妹情。」