太陽星辰｜車婉婉晒與馮德倫片場花絮照 感慨二人相識多年終首次合作 劇中被對方綁架+淋火水 私下好老友

車婉婉之前在《太陽星辰》僅以聲音演出，日前真身終於正式登場！車婉婉在劇中表面飾演景順大廈慈善基金會執行長、美容集團老闆莊曉華，其實暗地裏一直為幕後老闆Sundess桑達士爵士（吳岱融飾）辦事。昨晚（18日）播出的第十三集，莊曉華舉行網上拍賣會，利用名畫「左手交右手」洗黑錢，張天明（朱鑑然飾）帶隊闖入搗破，莊曉華趁亂獨自駕車逃走，卻被陳法醫（馮德倫飾）迷暈綁架到荒野，淋火水威逼她致電桑達士，引對方返回香港。

昨晚劇集播出後，婉婉也在IG曬出與馮德倫的片場合影及花絮，原來兩人早已相識多年！婉婉留言道：「感謝《太陽星辰》團隊❤️我和Stephen相識多多年，終於在《太陽星辰》第一次合作，真係好開心🥰今晚場戲亦都係非常難忘的！話說陳法醫捉咗莊小姐，Location 係山旮旯，係「野豬之家」，山洞環境非常發霉，仲要搞到成個人濕晒，好彩Stephen 已經就住我，而且各單位手足都好鍚我，所以拍攝時間都盡量快速，效果都好理想😄但係由於又濕又乾又凍又熱嘅關係，返去咳足一個月，搞好耐都未斷尾，應該係吸咗太多霉菌🤪🤪睇返場戲，百般滋味，但係為咗演出好，觀眾睇得痛快，就覺得好值得🥰」