執法者們｜陳若思終結畫面極震撼 自揭由《新聞女王》開始 角色死亡率100%惹好友關注

陳若思被虐殺畫面震撼

昨晚陳若思被殺一幕相當震撼，一人力戰兩大猛男的她，除了一度被整個人抱起兼不斷被拉扯外，還不斷遭「捏住條頸」及被人將頭撼落鐵門。不過陳若思接受官方訪問時，透露拍攝時完全不覺得辛苦，但拍畢後卻發現周身瘀：「因為當刻只係好集中咁去拍，但拍完真係全身瘀晒。因為我本身唔係經常做運動嘅人，所以並唔擅長動作場面。」陳若思又謂很開心今次都有觀眾留意到自己：「起碼有人見到自己，咁死都值得喇！」陳若思又笑言有身邊朋友發現，她近年演出角色，死亡率是100%：「所以尋晚場戲，朋友嘅角度可能覺得我慘。」

翻查資料，自陳若思在《新聞女王》飾演Yuki後，她之後在《刑偵12》的丁少婷，及這套《執法者們》的蔡佩汶均是死亡收場，就連之前在《痞子殿下》中演宫女，陳若思也慘遭黃建東刺死！難怪有網民笑言，陳若思無論演宮女、阿妹、人格還是獄友，都逃不過要死的命運！

每次演出劇集都必有記憶點的陳若思，今次除了死得夠轟烈，其中一幕慘遭彪形大漢強姦的戲份亦吸引網民熱討；原來因為尺度關係，陳若思香港版本的強姦戲份比內地版本含蓄，只有一秒左右便輕輕帶過。談到相關場口，陳若思坦言是最辛苦的一場拍攝，並直指當時一度流下真眼淚：「我印象中拍嗰陣我真係好唔開心，因為個情景都好易令人代入到，我覺得好難受，所以一路喊一路咁叫救命…」