/public/tvbcom/article/images/202506/de9089da-8ecd-4d68-8087-f2ecef899b80.jpg)
《執法者們》現正熱播中，劇情講到劉宇凡（陳豪飾）與女兒劉慧玲（何依婷飾）關係不好，因劉慧玲覺得父親工作忙碌，又不關心她，二人基本上零溝通，最終令父女感情變得愈來愈差，她更搬出去自住。
今晚（30日）一集劉宇凡發現女兒失蹤後報警，其中他對周俊傑（黃宗澤飾）說：「我應承過佢媽咪會好好照顧佢，咁多年嚟我已經好盡力付番一個爸爸應該有嘅責任。我平時做嘢好忙，好少時間陪佢，唯一可以畀到佢，咪就係經濟上無限支持，我送佢去Boarding school 以為對佢好，但點知將佢愈推愈遠。」短短場口見到陳豪對女兒那份緊張又愧疚的心情演得恰到好處。
+6
在劇中與陳豪（阿Mo）首演父女的何依婷接受tvb.com訪問坦言與對方合作得很開心：「拍攝嘅時候我都想大家個父女情更加真實，我不時拎住劇本問阿Mo意見，例如我咁做好唔好，點樣令到個感覺出嚟更加好，佢好nice，真係幫助我好多。」
她透露角色反叛任性，十分有主見：「阿Mo做我爸爸真係好好，就算囡囡做錯咗，佢依然無條件支持同原諒佢，我覺得呢個位令我好感動，之後仲會講我去荒島有好大嘅轉變 ，最後阿Mo不顧一切救我，劇情會有好多感動位。」
:quality(80)/public/tvbcom/article/images/202506/a64be88d-9838-41d9-abbd-3f8b282aef7b.png)
何依婷在劇中跳KPOP，望成為女團成員，問到她本身有否跳舞底子，她說：「我都有上跳舞嘅興趣班 ，但唔係跳得好叻 ，今次排舞老師幫助好多， 喺動作設計上唔會太複雜，畀我哋容易啲記。」
不過她自爆練到要看物理治療：「因為我唔係跳開舞，突然咁密集式跳，跳到背脊痛， 要睇物理治療，好彩休息一段時間就冇事。」
