執法者們｜丁子朗「執髮」後顏值升呢獲讚逆齡 感激黃宗澤一貼心互動助提升演技

《執法者們》丁子朗及韓馬利第二度飾演母子，換上啡金色齊蔭鬈髮、配以青春型格打扮的丁丁，一出場即贏盡焦點，不少網民直呼認不出他，並大讚新劇造型令丁丁看上去更後生及更靚仔：「以為係訓練班出嚟嘅新演員」、「我覺得似佢但唔肯定」。談到新劇造型贏正評，丁丁接受官方訪問時坦言全屬意料之外，並謂當初試造型時還有點抗拒：「呢個造型都算係我一個新嘗試，其實初頭我係抗拒嘅，因為呢個造型望落好似好『嬲優』咁，但導演同造型都好堅持要我留，估唔到出嚟效果大家會咁受落，可能因為頭髮放落嚟望落會後生啲。」談到有內地網民指他在《執法者們》中演技亦自然不少，丁丁謙稱全是黃宗澤功勞：「因為Bosco會好生動咁adjust我哋嘅戲。」

延伸閱讀： 執法者們劇情及演員名單｜全25集劇透懶人包（持續更新）馬國明/黃宗澤/陳豪/羅子溢/宣萱掀反貪污風暴