執法者們｜蔡潔親揭吊起被鞭打真相 全靠有練開呢樣運動 ：我啲筋都好鬆

今晚（14日)一集，周俊傑終於在海上堡壘重遇太太何天茹（蔡潔飾），其中何天茹被吊起鞭打，手腳傷痕纍纍，見狀令人心痛。

對於這場被鞭打的場口，蔡潔接受tvb.com訪問笑言經常被做人質：「我覺得幾好笑 ，因為之前做法醫被綁架 ，點知做海關都要被綁，希望下次唔使再被人綁。」

她指拍攝這場口用了一天的時間：「雖然我要被吊起，但我覺得都可以handle，因為我有練開瑜伽 ，雙手舉高郁動，就係正正平時做空中瑜伽動作，所以我成日都有練開 ，啲筋都好鬆， 唔會太痛苦 。」

蔡潔亦感激工作人員的照顧，令其可在安心的環境下演繹。

談到她要受鞭打之苦，蔡潔親揭箇中真相，「其實係CG效果，做得好真實，所以聽到發一聲，我就要做被鞭打嘅反應，不過阿波（黃宗澤）被打捱嗰幾腳，就真係真實，所以大家覺得效果出嚟好好，我哋幾辛苦都值得。」

另外，談到今次在鑽油台取景拍攝，蔡潔直言很幸運能夠有此機會，「據聞係電視上嘅第一次，絕對係好難得嘅體驗。因為交通好唔方便，我哋啲演員真係要留到拍晒所有場口先可離開，加上拍攝地方時間所限，只有日頭可拍， 因為晚上會好大風 ，而且我哋係用發電機， 發電時間有限， 所以大家就會休息，呢個作息時間都幾好。」

而且，她指整個團隊猶如家人一樣，大家合作得十分開心。