反黑英雄｜黃俊豪拍被活埋戲兜口兜面硬食泥沙 現場冇得沖涼全靠一樣嘢做事後清潔

《反黑英雄》昨晚（9日）一集焦點場口，落在PTU沙展蘇國威（張頴康飾）及毒品調查科盧宏傑（黃俊豪飾）遭販毒集團阿頭「太子」（謝可逸飾）施以酷刑的場口。

劇透懶人包： 反黑英雄劇情｜全25集劇透懶人包（持續更新中）黑白兩道交鋒 陳山聰/張振朗/袁偉豪/姚子羚/朱晨麗

黃俊豪的被活埋場口其實相當震撼，皆因除了要被人強行拋入頗有深度的泥坑外，更全程遭人「兜口兜面」掟撥沙石，沙塵滾滾程度令黃俊豪全程眼睛未見睜開。

黃俊豪事後受訪時透露「跌坑」一幕因為安全問題，由替身代為上陣，但其他場口則全部由他自己親身上陣，他說：「撥埋嚟嗰啲全部真沙嚟，拍時導演有叫我擰埋一邊，因為都驚真係成個眼耳口鼻都係沙，但我覺得喺被朦住眼嘅情況下，又就嚟死，個角色應該都唔會理咁多嘢，我覺得（硬食）好似真啲，所以我都照做，當然之後係有排清潔嘅，但當時場地冇沖涼嘅地方，都只能拎住條毛巾係咁洗。」

他又大讚張頴康是十分專業的演員：「好多謝對手張頴康，佢戲內戲外都好專業，有提點我好多嘢，所以我同佢對手戲都好舒服。」並謂很感激劇組體恤他本身是長頭髮，專誠為他準備了一個半假髮將部分長頭髮裝進去，令他可以在不用剪短頭髮的情況下仍可配合角色，相當貼心。