反黑英雄︱張頴康遭子女集體投訴絕望「靈魂出竅」樣爆喜感　網友力讚封「無綫御用好老公」

張頴康受訪時笑言昨晚與自己的三名子女齊齊看《反黑》，結果自己兩名較年幼的小朋友與劇中三名小演員巧合地「內應外合」齊齊嗌爸爸，令張頴康感到相當有趣：「我聽到好似有五個人叫緊我爸爸咁，我真係好驚呀，原來超過三個小朋友齊齊嗌爸爸係好驚架！」問到張太麥雅緻Angie老公現實中是否稱職爸爸時，張太笑言老公湊小朋友有一手：「阿康好盡責、照顧得啲小朋友好好，好多時都可以一打三。但佢主要係玩樂組嘅，基本上小朋友想做乜開心嘢佢都會Ok嘅，不過啲鎖碎嘢，佢又確實少啲處理，通常都係我處理開，呢個係我哋嘅分工。」Angie又指由於老公工作較繁忙，故會將私人理財事宜也交給她一併負責，足見夫妻二人互相信任：「有時銀行要佢確認有幾多張咭，佢都會叫對方等等，然後問：『老婆，我呢間銀行有幾多張咭』呀！」認真恩愛到暈。張頴康亦曲線感謝老婆對自己無微不至的照顧：「其實我老婆唔止打理小朋友，佢仲有一個隱藏大仔，嗰個大仔就叫張頴康，佢最辛苦係要打理埋佢。」

更搞笑的是，由於演技在線，頴康自《反黑》播出後在內地人氣勁升，由於頴康在劇中經常飾演情深溫柔好老公，今次飾演的「阿威」又碰巧是一名對老婆呵護備至的100分好老公，故被內地網民封為「御用好老公」，指他無論夥拍劉佩玥（《逆天奇案》系列）、蔣祖曼（《法言人》）、呂慧儀（《一屋老友記》）或是《反黑》的傅嘉莉演CP都是相當匹配，更被指無論飾演哪一種類型的老公，都是說服力十足的好男人、好老公，網民留言：「他的角色都很愛老婆」、「張穎康乖乖人夫感是很強」，果然戲內戲外都是好老公人設。