反黑英雄︱《逆天2》混血型男戰鬥力勁升再搶Fo　真人同角色勁大反差 何沛珈揭莫浩峰加入劇組有段故

《反黑英雄》昨晚（11日）播出的第十四集，焦點劇情是軒神（陳山聰飾）女友林冰（何沛珈Roxanne飾）因之前撰寫的一篇獨家報導惹禍，遭墨西哥販毒集團首領「獅子王」（混血男演員莫浩峰Sebastian飾）跟蹤兼襲擊；就在最危急關頭，軒神與Madam彭（朱晨麗飾）趕到現場，合力將「獅子王」制服，過程緊湊又精彩。

劇透懶人包： 反黑英雄劇情｜全25集劇透懶人包（持續更新中）黑白兩道交鋒 陳山聰/張振朗/袁偉豪/姚子羚/朱晨麗

在該場長達3分半鐘的打鬥戲，四位演員可謂吃盡不少苦頭，就連做「壞蛋」的Sebastian也是受盡「連環被爆頭」之苦。Sebastian其實來頭不少，之前憑《逆天奇案2》僱傭兵一角一夜爆紅的他，曾接受三年英軍訓練，還曾學過洪拳、MMA及特技訓練。除了打得，Sebastian亦好睇得，曾任模特兒的他，2019年曾代表香港出戰國際先生選美比賽。對於Sebastian再現，網民繼續大讚靚仔好身手，並指昨晚一集打戲相當好睇。

Roxanne受訪時透露劇組為尋找「獅子王」合適人選花了很多時間，最後當Sebastian現身拍攝現場，全部人包括Roxanne都覺得非常適合，Roxanne笑言：「因為佢真係好大隻，佢個手臂我覺得仲粗過我大髀，然後佢真人其實好斯文好有禮貌，所以當佢要練我條頸時佢都非常gentlemen咁盡量就力，驚整親我，但為咗令件事更加好睇，同埋令我更加有窒息嘅感覺，我同佢有事前溝通去到邊一個力度我係可以接受。」Roxanne又笑言Sebastian的變態恐怖樣，與真人勁大反差！