刑偵12｜陳自瑤囡囡原來係「魚蛋妹」菁菁 與林保怡勁投緣被指等埋位時玩得超開心

由TVB和騰訊視頻聯合出品，鍾澍佳擔任總監製、譚廣源、郭浩仁總編劇、巢志豪監製、張峻豪、歐耀傑、何嘉華擔任導演的《刑偵12》，由林保怡、陳法蓉、張振朗、曹永廉領銜主演；傅嘉莉、陳自瑤、吳業坤、戴祖儀主演；高鈞賢、張松枝特別演出，逢周一至周五晚八點半翡翠台播映。

另值得留意的是，飾演陳自瑤女兒的，是之前憑電影《九龍城寨》中「魚蛋妹」一角、成功彈出的10歲童星王尹菁。6歲便開始從事拍劇及拍廣告等演藝工作的王尹菁，之前在《九龍城寨》中因目睹媽媽陳屍電線上、眼泛淚光的同時還流露出不知所措的恐懼神情一幕，獲得極大迴響，觀眾對於年紀輕輕的她便能拿捏如此複雜情緒大表讚嘆。

原來菁菁亦是憑《九龍城寨》中的精彩演出，吸引了佳導的注意，佳導與巢道更出盡全力四出打探菁菁聯絡方法，最終成功透過IG聯絡上菁菁媽咪促成合作。巢導接受TVB.COM訪問時，笑言當初Cast陳自瑤囡囡時，確是面試了數以百計的香港及內地小演員也未能感到滿意，直至在戲院中見到王尹菁的演出：「當時套戲上緊，我哋就成班工作人員去睇，一見到菁菁（王尹菁）就出盡力去搵佢返嚟。菁菁真係一個好叻嘅小演員，只要有佢喺度，現場氣氛都會好開心！」

對於獲《刑偵12》劇組賞識，王尹菁媽咪接受tvb.com訪問時坦言開心又感恩，並感激劇組願意配合女兒讀書遷就拍攝檔期：「佢哋係特登就埋囡囡（王尹菁）嘅暑假、唔使返學嘅日子拍。」談到昨晚與林保怡及陳自瑤有不少對手戲，保怡昨晚教王尹菁「好好透氣」一幕，眼神充滿慈愛，相當溫柔。

王尹菁媽咪大讚保怡和Yoyo對女兒照顧有加，其中林保怡更與女兒打成一片、玩得很開心：「Bowie真係好溫柔好溫柔好溫柔，佢又好鍾意同囡囡一齊玩，好似拍氣球啦，佢哋兩個玩得好close嘅，Bowie會無啦啦同大家介紹自己係王尹菁，仲話：『我先係魚蛋妹』，囡囡嗰陣時真係拍得好開心嘅。」至於Yoyo，王尹菁媽咪指她戲內戲外均像母親般照顧菁菁，又會教女兒做戲，相當Nice：「Yoyo真係好似一位媽媽照顧、關心同教導囡囡，可能佢平時同小朋友相處慣咗，好清楚呢個階段嘅小朋友要學啲咩、同要識啲咩。」