刑偵12｜林保怡一人分飾多角晒演技之「癲」 親揭演乜似乜秘技：係Being唔係Acting

「鏡子裏瘋狂得聲嘶力竭」，昨晚一集《刑偵12》，絕對是林保怡的演技之巔，他先後分飾了丁少芸、林昱水、丁洛偉、丁少婷等不同人格，當中無論是丁少芸的自信、嬌俏、嫵媚；或是林昱水的喪心病狂，林保怡均作出了高度還原，與陳法蓉「神同步」跟心理醫生楊芷菲（傅嘉莉飾）會面一幕，更成為了《刑偵12》經典名場面。昨晚另一亮點場口，是遭丁少芸「佔領」的洛風，在警局遇到刑凱時要扮回丁洛風一幕！

延伸閱讀： 刑偵12｜全25集劇透懶人包（持續更新）林保怡/張振朗/陳法蓉/傅嘉莉/曹永廉/陳自瑤 破驚天懸案

獲封「時間管理大師」

對於林保怡超晒班的演技，網民一致臣服，力推保怡繼《金枝慾孽》後、再憑《刑偵12》二封視帝：「好癲」、「林保怡好癡線」、「扮得好似」、「啲語調好似」、「真係好似陳法蓉」、「一個扮晒N個表情，大癲」、「家姐上晒身啦」、「林保怡個人表演時間」、「的確值得佢表演」、「值得二封視帝」、「真係做到唔同人格個神態」、「啲眼神交足戲」、「超晒班啦」、「林保怡真係做得好好，今集好精彩」、「Bowie 演技Super晒班」。還有網民封保怡為「時間管理大師」，笑稱分裂出這麼多人格的他，要殺這麼多人之餘，還要返工及上網等，堪稱忙到甩轆相當爆笑兼入戲。

細節位做足盡顯功架

談到演丁少芸時，為了演繹出女人味，林保怡在細節位絕對花盡心思，無論是「蘭花手」、翹腳、扭擰地把玩手中電話的狀態、或是以手指尾拿著Shopping紙袋等「少女心」動作，均全方位做到足。對此，保怡哥接受tvb.com訪問時，笑言因為自己閹尖，所以覺得效果「仲爭啲啲」，並透露要扮另一個人扮得似，秘訣是「Being」不是「Acting」：「做少芸呢個角色哩，因為佢係女性，如果太over係唔好睇嘅，但又唔可以冇（嘢），所以嗰個唔係acting，而係being。而我點解會being到，係因為我之前一路有睇丁少芸喺現場拍嘅嘢，我一路有記低佢嘅舉手投足同埋笑容，呢個係我自己幫自己去做戲。」

長時間身處片場觀察其他演員 林保怡：我應該收八個角色錢，哈哈

林保怡又坦認丁洛風賦予他很多演出空間，而他則是透過觀察，與其他人格「融合」：「唔止我拍嘅時候，其實喺其他人拍嘅時候，我已經要喺片場睇住佢哋拍，我一定要知道張松枝飾演嘅林昱水，佢係點樣去行路啦，點樣嘅面部表情同動作去殺人啦，我一定要知道。如果你成日觀察一個人，一個動作，你已知道，喲！原來你想咁，好玩架其實。（你花咁多時間觀察，你會唔會係全個劇最勤力嘅演員？）我應該收八個角色錢，哈哈 !」