/public/tvbcom/article/images/202506/f1f860d4-9b48-43a3-ae97-c3c188009e92.jpg)
TVB熱播劇《刑偵12》播得如火如荼，劇情愈來愈緊張刺激，令觀眾看得肉緊！昨晚（4日）播出的一集，再有人被「新七宗罪」的兇手殺害，其中為刑凱（張振朗飾）的徒弟江梓樂（林俊其飾）。
江梓樂慘死後，刑凱看到愛徒屍體痛得有口難言，而當他看到樂仔寫滿自己平時教誨、及做警察哲理的「刑偵筆記」後，更是悲慟莫名，同時亦為自己有一個如此忠心的下屬感到欣慰，振朗又喊又笑、大悲大喜的演出，展現非凡演技。
延仲閱讀：刑偵12｜「王浩信2.0」林俊其拍《刑偵12》患怪病「暴肥暴瘦」激減7Kg搞到林保怡唔認得？
/public/tvbcom/article/images/202506/ca89af39-5c9d-4100-a94d-6259bba0e9dc.jpg)
戲裏戲外同樣當張振朗為師傅的林俊其，感激對方細心幫他執好每一個演繹細節，令其演出效果更佳，更透露有3場與振朗的場口相當深刻。
林俊其接受TVB.COM說：「第一場係我同振朗掘泥嗰幕，雖然最後剪出嚟好短，但呢場係好後期拍，所以大家已經建立咗好有默契嘅關係，我覺得自己當時已融入咗樂仔嘅靈魂入面 。另一場就係我去監獄探佢嗰場，我發現佢有人格解離而冇同我講，嗰場戲最初我哋對嘅時候都冇咩好大嘅感覺 ，直至去到現場拍一次嘅時候，突然好有Feel， 監製都即刻停咗我哋，叫我哋留力，覺得我哋狀態好好， 正式拍出來個Feel好好，真係好有嗰種感覺。」
林俊其自言其臨死前與振朗最後一次見面那幕，同樣令其十分感動，「嗰場我講出自己想法，釋懷咗所有嘢，我亦做到佢教我嘅嘢，之後佢對我嗰個笑容，亦係全劇唯一一個笑，我非常深刻 ，因為當中蘊含好多意思，包括覺得我長大同肯定咗我哋兩個之間係最佳拍檔。」
除了與張振朗有多場對手戲， 林俊其亦有與林保怡有合作場口，首次面對前輩， 林俊其直言最初見到對方時感到害怕，「之後佢有同我傾偈，仲問我邊個係江梓樂，我話我係，之後佢亦都有同我分析劇情，大家互相研究，令我更明個角色。」
他指林保怡最愛考驗演員，訓練大家的臨場反應，「佢去到正式Roll機又會另一個版本，本身試戲時我係接唔到，但唔知點解都真正拍，佢教完我後就捉到佢想要啲咩， 所以佢係每次透過好少好少嘅考驗而令我哋『袋到嘢』入袋。」
林俊其大讚林保怡的神級演技：「我唔使開工時都會去現場睇佢做戲，透過佢嘅演出 ，感受到佢係好獨特嘅演員， 所以我喺佢身上都獲益良多， 佢嘅演技真係好癲。」
因此，他指獲林保怡指導後，自己對角色多了很多想法，就連臨場反應也變好了，「我拍完呢套之後就拍《正義女神》， 同丘梓謙溝通時都有好多即場諗法， 好多臨場發生嘅嘢都有幫助，自己覺得對角色上冇以前咁死板，靈活咗好多。」
