刑偵12｜孖姚宏遠行孖咇被指神撞樣 陳少邦搞笑自揭曾被認錯至少十位藝人：點解我可以分列出咁多人

有「TVB御用奸人」之稱的陳少邦，在劇集《刑偵12》中飾演丁洛風（林保怡飾）的童年好友白仲豪，經常與阿風另一好友夏軻（姚宏遠Lucas飾）「如形隨影」，乜都Part住上的豪軻、大部分時間均會「同框」現身。

延伸閱讀： 刑偵12｜全25集劇透懶人包（持續更新）林保怡/張振朗/陳法蓉/傅嘉莉/曹永廉/陳自瑤 破驚天懸案

未知是否這個原因，有網民指陳少邦與姚宏遠愈來愈似樣，對此，陳少邦接受tvb.com訪問時，坦言確實有不少新合作的工作人員，經常撈亂他和Lucas；少邦又笑言未知是否自己樣子生得太普通，曾分別被認錯為容錦昌、甄子丹、樊少皇、呂頌賢、森美、許志安、周栢豪、古淖文、郭政鴻及楊鴻俊；亦試過有PA將他與陳國邦的名字撈亂，而錯將06的通告發給他，令他哭笑不得：「有PA畀通告我叫我返0600，我話無開哩套劇，佢話你唔係陳國邦咩？哈哈。我都想知，點解我可以分列出咁多人。」咁都Tag到《刑偵12》主題，果然甚懂宣傳之道。

談到與Lucas在劇中恍如「孖仔」般，少邦笑言二人開劇前有刻意夾過以何種姿態同框出現最夾最型，果真有心思。「因為我哋冇咩對白，所以要諗下點樣會見到我哋多啲，所以我哋盡量扮靚仔啲同chok多啲甫，希望等人哋見到我哋兩個。」