:quality(80)/public/tvbcom/article/images/202505/15fa21d8-94be-4292-9e3f-585941514c68.png)
由TVB和騰訊視頻聯合出品，鍾澍佳擔任總監製、譚廣源、郭浩仁總編劇、巢志豪監製、張峻豪、歐耀傑、何嘉華擔任導演的《草姬靈芝孢子呈獻：刑偵12》，由林保怡、陳法蓉、張振朗、曹永廉領銜主演；傅嘉莉、陳自瑤、吳業坤、戴祖儀主演；高鈞賢、張松枝特別演出，逢周一至周五晚八點半翡翠台播映。
延伸閱讀： 刑偵12｜全25集劇透懶人包（持續更新）林保怡/張振朗/陳法蓉/傅嘉莉/曹永廉/陳自瑤 破驚天懸案
《刑偵12》雖然只播到第十集，但已有不少無綫小花憑藉在劇中的突破性演出相繼彈出，繼首集以震撼式襤褸Look出場的李海銅，前港姐陳若思（Amber）飾演的丁少婷，以及有「學霸港姐」之稱的王嘉慧Cathy飾演的主播Sharon，也先後獲得了網民高度關注。
之前在《新聞女王》中憑嘴Gel Gel MK妹角色人氣怎升的Amber，在《刑偵12》中飾演機靈IT女，與林保怡、張松枝及陳嘉輝的角色有著微妙的關係。雖然Amber在劇中暫時出現場口不算多，但每次現身總引發網民熱討，除了獲讚「愈嚟愈靚女」，網民亦大讚她的孖辮妹造型十分討喜。對此，Amber接受tvb.com訪問時先是感謝觀眾留意其演出，並指孖辮造型是想為角色刻意營造幼嫩感：「因為佢係咁多個入面年紀最輕嘅一個，亦都相對較柔弱，易畀人控制，所以造型方面想會比較年輕同埋清新啲。」
談到與張松枝及林保怡有大量對手戲，Amber十分感激兩位前輩的照顧及指導：「保怡哥有教我一啲演戲嘅實用技巧，例如表情嘅管理，佢仲上網搵咗啲例子俾我參考。佢又有講到如果有啲對白自己覺得唔係太舒服，可以先調節吓，然後合埋雙眼用唔同嘅方法講出嚟，咁最終就會搵到最舒服嘅語氣同狀態。松枝老師又係好好人，成日鼓勵我，因為我唔係好多拍戲嘅經驗，有一次佢見到我離開咗個鏡頭，佢即刻好大聲話：『你做咩避鏡頭呀！？做演員唔可以驚鏡頭』，嗰一下我雖然有啲驚嚇，但就覺得佢好好人，好多謝佢願意提醒我，佢係好善良嘅前輩。」
另Amber早前在IG晒出10張與保怡的搞怪合照並留言：「有一日我見保怡哥心情好好，就膽粗粗行過去求合照，佢話同我影10張，跟住我就一張一張數，最後真係影咗10張。」引在網絡引發了一定的討論度。除了劇集作品備受關注，Amber之前以J2er身份拍攝的綜藝節目《港女野人》同樣贏盡好評，由於樣子甜美、身材出眾，更有「J2女神」封號。
