刑偵12｜鍾澍佳總監製親揭超像真電腦特效製作過程 劇組花時經年為觀眾打造全新官能體驗

《刑偵12》昨日預告片中曝光的動作場面相當有睇頭，除了爆破場面像真度高，其中一幕林保怡在熊熊火海中緊抱著陳自瑤、再齊齊跌落下一層樓的鏡頭，不但畫面呈現華麗藝術感，Top Shot拍攝出來的效果亦特別震撼。

談到《刑偵12》的超強特效場面，劇集總監製鍾澍佳接受TVB.COM訪問時，透露劇組早於度劇本時，已認真構思好所有特效場面，並花了不少時間尋找配合度高的拍攝場地：「我哋喺搵景度都用咗唔少時間，因為我哋要搵到一個有咁大個窿嘅空置地方拍攝，先可以做到火海場口呢個跌落去嘅效果；其實啲沙石同埋火海都係電腦特效，現場拍嗰陣係完全冇點過火，所以演員要完全靠想像去演，都考佢哋功力。今次嘅電腦特效都係盡量追求像真，希望令家庭觀眾有全新嘅官能體驗。」

延伸閱讀： 刑偵12｜全25集劇透懶人包（持續更新）林保怡/張振朗/陳法蓉/傅嘉莉/曹永廉/陳自瑤 破驚天懸案