再見枕邊人︱丘梓謙演年輕少男零違和感 笑言「髮型的重要性」🤣

由廖晉碩監製、林麗媚擔任編審的《再見‧‧枕邊人》，逢周一至五晚八點半翡翠台播映。《再見‧枕邊人》昨晚（2月29日）劇情講到失憶女主角顧晴天（黃智雯Mandy飾）甘願做餌引蛇出動，希望找出當年失蹤真相，其間發現跟蹤其入後巷的持刀兇徒，竟是晴天多年前訪問的天才兒童黎家明（丘梓謙Adrien飾年青版）的父親黎秋（李啟傑飾），而之前從高處掟花盆偷襲晴天的人亦是黎秋。

延伸閱讀：再見枕邊人全25集劇透懶人包 ！暗黑愛情故事大反轉 馬德鐘黃智雯張曦雯主演


黎秋直斥晴天當年撰寫的報道害他妻離子散；自感有愧於黎秋的晴天，遂幫對方找回失散的兒子家明以作補償。當晴天促成黎秋與家明見面後，家明卻道出事件另一版本，黎秋被踢爆把兒子當作搖錢樹之餘，爛賭、酗酒、家暴妻子更是樣樣齊！今晚（1日）一集，晴天再次身陷險境，黎秋瘋狂報復行動將再度升級……

在《愛．回家之開心速遞》中分別飾演「杜演」及「蔥頭」的李啟傑及丘梓謙，現實中關係匪淺，丘梓謙大爆二人是秘密「情人」：「同啟傑師兄喺《愛．回家》成日見，當咗佢係男朋友，見到面會叫佢BB！知道佢演我老竇好開心亦好放心。」丘梓謙是次飾演家明除了要挑戰大量內心戲，造型上亦花了不少心思及功夫：「我以往好多角色都有遮鬚根嘅習慣，好似蔥頭咁，因為要模仿韓星感覺。家明雖然細個係尖子，但因為家庭問題令佢變得反叛，所以造型較頹，我亦刻意冇遮鬚根同唔整頭。」

談到年屆30歲的丘梓謙、演繹二十出頭的角色完全零違和，問到丘梓謙減齡妙方，他笑言秘訣在於「髮型的重要性」：「我2014年訓練班畢業嗰幾年都係all back、側面剷到超青，嗰陣已有幕後同我講覺得個髮型唔襯我，夾硬扮成熟咁。直到拍《換命真相》黃偉聲監製叫我試吓《繼承者們》李敏鎬個髮型，大家即刻覺得我年輕咗，之後《愛．回家》監製就搵我演蔥頭，可以話係我嘅轉捩點。」丘梓謙續指最近亦真的多了不少飾演「後生仔」機會，令人期待。

談到昨晚家明看到亡母訪問後爆喊場口，丘梓謙透露拍攝時其實只是對著綠幕演戲，幸獲對手Mandy耐心給予時間培養情緒：「因為越緊張越喊唔出，嗰集一日要拍晒咁多場，我自己都驚！好彩Mandy陪住，亦冇畀壓力我，先可以好輕鬆咁完成拍攝。」丘梓謙透露自己熱愛看電影，尤其鍾情張家輝的作品，翻看之餘更會細琢家輝眉頭眼額等細節位學演戲：「好想學習佢哋呢啲影帝級，點樣從一個眼神、一個呼吸，令觀眾睇得投入。」去年，丘梓謙在電影《爆裂點》中正正飾演張家輝兒子，可謂一圓跟偶像合作夢想。