俠醫｜陳豪舉龍頭因一原因險受傷 出動逾200人+封街還原大坑舞火龍

為了真實還原這項國家級非物質文化遺產，劇組製作認真，不但邀請了大坑舞火龍團隊協助兼封了幾條街拍攝，而且，更有逾200人的團隊人員幫手，務求令畫面逼真！

劇中演中醫師凌為民的陳豪負責舉龍頭，他曾受訪表示拍劇多年從未試過舞火龍，首次參與便要舉龍頭，故心情十分興奮雀躍，不過由於龍頭相當重磅，因此要舞起來絕不容易。

陳豪接受tvb.com訪問說：「由於龍頭有一定重量，需要5至8個比較有資歷嘅師兄輪流交替，所以今次舉龍頭嘅經驗係需要用體能、力量同技巧結合。」

陳豪自爆拍攝時險受傷，「因為太重嘅關係，都試過有一刻握得唔穩，成個龍頭差啲跌落嚟，好彩最後無事。」

他又指雖然舞火龍只是拍攝了一個晚上，但事前的準備功夫十分多，「觀眾睇嘅時候可能覺得好短，但其實我哋已經喺好多個月前傾呢個場口點樣拍，同埋當晚大部分舞火龍嘅團隊，都係以義工身份嚟幫手，所以當中所花嘅時間、人力同物力都係得來不易，非常感激佢哋嘅幫忙，先可順利完成拍攝。」

在舞火龍的畫面可見，陳豪手臂上包住白布，他指這是舞火龍團隊一直的做法，「由於舞火龍係插滿香支，香灰會一直跌落嚟好容易導致皮膚灼傷，所以包住白布就可以防止香灰同皮膚接觸 ，避免灼傷。」

他直言今次的體驗十分震撼，望透過劇集能推廣這項傳統活動，讓觀眾可以更了解「大坑舞火龍」，將這項文化習俗繼續傳承下去。